9.78C Vancouver 9.78C VancouverNov 16, 2023 7:14 PM - The Canadian Press
ਮਾਂਟਰੀਅਲ ਇਲਾਕੇ ਦੀ ਮੇਅਰ ਨੂੰ ਕਥਿਤ ਤੌਰ 'ਤੇ ਇਕ ਸਥਾਨਕ ਪਾਰਕ ਵਿੱਚ ਚਿੱਟੇ ਪੂਛ ਵਾਲੇ ਹਿਰਨ ਨੂੰ ਮਾਰਨ ਦੀ ਯੋਜਨਾ ਦੇ ਸੰਬੰਧ ਵਿੱਚ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ।
ਲੋਂਗਯੂਇਲ ਸ਼ਹਿਰ ਦੇ ਇਕ ਬੁਲਾਰੇ ਵੱਲੋਂ ਅੱਜ ਇਸਦੀ ਪੁਸ਼ਟੀ ਕਰਦੇ ਹੋਏ ਦੱਸਿਆ ਗਿਆ ਕਿ ਮੇਅਰ ਕੈਥਰੀਨ ਫੋਰਨੀਅਰ ਨੂੰ ਹਫਤਾ ਪਹਿਲਾਂ ਅਤੇ ਹਾਲ ਹੀ ਦੇ ਦਿਨ੍ਹਾਂ ਵਿੱਚ ਇੱਕ ਵਿਅਕਤੀ ਵੱਲੋਂ ਧਮਕੀ ਦਿੱਤੀ ਗਈ ਹੈ।
ਲੋਂਗਯੂਇਲ ਦੇ ਪੁਲਿਸ ਇੰਸਪੈਕਟਰ Gino Iannone ਨੇ ਕਿਹਾ ਕਿ ਇਨ੍ਹਾਂ ਧਮਕੀਆਂ ਤੋਂ ਪਹਿਲਾਂ ਵਾਪਰੀਆਂ ਘਟਨਾਵਾਂ ਅਤੇ ਉਸਦੀ ਹਾਈ ਪ੍ਰੋਫ਼ਾਈਲ ਸਥਿਤੀ ਨੂੰ ਦੇਖਦੇ ਹੋਏ ਸਤੰਬਰ ਵਿੱਚ ਮੇਅਰ ਨੂੰ ਪੁਲਿਸ ਸੁਰੱਖਿਆ ਵਿੱਚ ਰੱਖਿਆ ਗਿਆ ਸੀ।
ਪਿਛਲੇ ਮਹੀਨੇ ਕਿਊਬੈਕ ਦੀ ਸਰਵਉੱਚ ਅਦਾਲਤ ਵੱਲੋਂ ਮਿਸ਼ੇਲ-ਚਾਰਟਰੈਂਡ ਪਾਰਕ ਵਿਖੇ ਹਿਰਨ ਦੀ ਆਬਾਦੀ ਨੂੰ 100 ਤੋਂ ਘਟਾ ਕੇ ਲਗਭਗ 20 ਕਰਨ ਲਈ ਨਿਯੰਤਰਿਤ ਕਰਾਸਬੋ ਸ਼ਿਕਾਰ ਨੂੰ ਅਧਿਕਾਰਤ ਕਰਨ ਵਾਲੇ ਫੈਸਲੇ ਨੂੰ ਬਰਕਰਾਰ ਰੱਖਿਆ ਗਿਆ ਸੀ।
ਦੂਜੇ ਪਾਸੇ ਐਨੀਮਲ ਰਾਈਟਸ ਸੰਗਠਨ ਅਤੇ ਕਾਰਕੁੰਨਾਂ ਵੱਲੋਂ ਕਈ ਸਾਲਾਂ ਤੋਂ ਇਸ ਦਲੀਲ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਪਾਰਕ ਦੀ ਸੁਰੱਖਿਆ ਲਈ ਚੁਣੇ ਗਏ ਤਰੀਕਿਆਂ ਨੂੰ ਜਾਨਵਰਾਂ ਨੂੰ ਜ਼ਿੰਦਾ ਰੱਖਣ ਦੇ ਹੱਕ ਵਿੱਚ ਹੋਣਾ ਚਾਹੀਦਾ ਹੈ।
ਗੌਰਤਲਬ ਹੈ ਕਿ ਫੋਰਨੀਅਰ ਦੇ ਸਾਬਕਾ ਮੇਅਰ ਸਿਲਵੀ ਪੇਰੈਂਟ ਨੂੰ ਵੀ ਹਿਰਨ ਨੂੰ ਮਾਰਨ ਦੀ ਯੋਜਨਾ ਨੂੰ ਲੈ ਕੇ 2020 ਵਿੱਚ ਧਮਕੀਆਂ ਮਿਲੀਆਂ ਸਨ।
