14.16C Vancouver 14.16C VancouverApr 6, 2021 9:30 PM -
ਮੌਂਟਰੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇੱਕ ਘਟਨਾ ਦੀ ਜਾਂਚ ਕਰ ਰਹੇ ਹਨ ਜਿਸ ਦੌਰਾਨ ਇੱਕ ਮਸਜਿਦ 'ਤੇ ਏਅਰ ਪਿਸਟਲ ਦੇ ਫਾਇਰ ਕੀਤੇ ਗਏ।
ਇਸ ਸੰਬੰਧੀ ਫੇਸਬੁੱਕ 'ਤੇ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਗਈ ਹੈ ਜਿਸ 'ਚ ਇੱਕ ਹੁਡੀ ਪਹਿਨੇ ਹੋਏ ਵਿਅਕਤੀ ਨੂੰ ਮਸਜਿਦ ਵੱਲ 11 ਵਾਰ ਫਾਇਰ ਕਰਦੇ ਵੇਖਿਆ ਜਾ ਸਕਦਾ ਹੈ।
ਅਜਿਹਾ ਕਰਨ ਤੋਂ ਬਾਅਦ ਇਹ ਵਿਅਕਤੀ ਮੌਕੇ ਤੋਂ ਦੌੜ ਗਿਆ ਸੀ।
ਇੱਕ ਫੇਸਬੁੱਕ ਪੋਸਟ 'ਚ ਮਸਜਿਦ ਵੱਲੋਂ ਦੱਸਿਆ ਗਿਆ ਹੈ ਕਿ ਕੁਝ ਖਿੜਕੀਆਂ ਟੁੱਟੀਆਂ ਸਨ ਪਰ ਕਿਸੇ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ।
ਵਿਅਕਤੀ ਬਾਰੇ ਦੱਸਿਆ ਗਿਆ ਹੈ ਕਿ ਉਸ ਨੇ ਨੀਲੇ ਰੰਗ ਦਾ ਮਾਸਕ ਪਹਿਨਿਆ ਸੀ, ਹੱਥ 'ਚ ਬੰਦੂਕ 'ਚ ਫੜੀ ਹੋਈ ਸੀ ਅਤੇ ਉਸ ਨੇ ਸਿਰ 'ਤੇ ਹੁਡੀ ਨਾਲ ਆਪਣਾ ਚਹਿਰਾ ਪਛਾਣ ਤੋਂ ਬਚਾਇਆ ਹੋਇਆ ਸੀ।
ਪੁਲਿਸ ਵੱਲੋਂ ਅੱਜ ਸਵੇਰ ਤਕ ਮਸਜਿਦ ਦੇ ਨੁਮਾਇੰਦਿਆਂ ਨਾਲ ਗੱਲਬਾਤ ਨਹੀਂ ਕੀਤੀ ਗਈ ਸੀ।
