25.13C Vancouver 25.13C VancouverMar 2, 2021 11:30 PM -
ਕੈਨੇਡਾ ਵਿੱਚ ਹੁਣ ਕੋਵਿਡ-19 ਦੇ ਮਾਮਲਿਆਂ 'ਚ ਕੁਝ ਵਾਧਾ ਦਰਜ ਕੀਤਾ ਗਿਆ ਹੈ।
ਖਾਸ ਤੌਰ 'ਤੇ ਵਾਇਰਸ ਦੇ ਨਵੇਂ ਵੇਰੀਐਂਟਸ ਦੇ ਮਾਮਲਿਆਂ 'ਚ ਵਾਧਾ ਹੋ ਰਿਹਾ ਹੈ।
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਇਸ 'ਤੇ ਫਿਕਰ ਜ਼ਾਹਿਰ ਕੀਤਾ ਹੈ।
ਪਰ ਉਨ੍ਹਾਂ ਕਿਹਾ ਕਿ 'ਵੈਕਸੀਨ ਬਨਾਮ ਵੇਰੀਐਂਟਸ' ਦੀ ਇਸ ਮੈਰਾਥਨ ਦੌੜ 'ਚ ਕੁਝ ਲੀਡ ਹਾਸਿਲ ਹੁੰਦੀ ਵਿਖਾਈ ਦੇ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਦੇਸ਼ 'ਚ ਹੁਣ ਤਕ ਕੋਵਿਡ-19 ਦੇ ਯੂ.ਕੇ. ਵੇਰੀਐਂਟ ਦੇ 1,257 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਇਸ ਤੋਂ ਇਲਾਵਾ ਦੱਖਣੀ ਅਫ੍ਰੀਕਾ ਦੇ ਵੇਰੀਐਂਟ ਦੇ 99 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਉੱਧਰ ਦੇਸ਼ ਦੀ ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਨੇ ਦੱਸਿਆ ਹੈ ਕਿ ਕੱਲ ਔਕਸਫਰਡ-ਐਸਟ੍ਰਾਜ਼ੈਨਕਾ ਦੀ ਵੈਕਸੀਨ ਦੀਆਂ ਅੱਧਾ ਮਿਲੀਅਨ ਖੁਰਾਕਾਂ ਪਹੁੰਚ ਰਹੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਇਸ ਸ਼ਿਪਮੈਂਟ 'ਚ ਸ਼ਾਮਿਲ 300,000 ਡੋਜ਼ ਅਜਿਹੀਆਂ ਹਨ, ਜੋ ਕੁਝ ਹੀ ਹਫ਼ਤੇ 'ਚ ਐਕਸਪਾਇਰ ਹੋ ਜਾਣਗੀਆਂ।
ਇਸ 'ਤੇ ਡਾ. ਟੈਮ ਨੇ ਕਿਹਾ ਕਿ ਅਜਿਹਾ ਹੋਣ ਤੋਂ ਪਹਿਲਾਂ ਹੀ ਇਸ ਨੂੰ ਵਰਤ ਲਿਆ ਜਾਵੇਗਾ।
