12.19C Vancouver 12.19C VancouverNov 23, 2021 4:28 PM - The Canadian Press
ਐਨਵਾਇਰਨਮੈਂਟ ਕੈਨੇਡਾ ਨੇ ਬੀ ਸੀ ਚ ਇਸ ਹਫਤੇ ਹੋਰ ਮੀਂਹ ਪੈਣ ਦੀ ਚਿਤਾਵਨੀ ਦਿੰਦਿਆਂ ਕਿਹਾ ਹੈ ਕਿ ਇਸ ਨਾਲ ਉਹ ਇਲਾਕੇ ਅਸਰਅੰਦਾਜ਼ ਹੋਣਗੇ ਜਿੱਥੇ ਅਜੇ ਬੀਤੇ ਹਫ਼ਤੇ ਦੇ ਹੜ੍ਹਾਂ ਤੋਂ ਪੈਦਾ ਹੋਈ ਸਥਿਤੀ ਹੀ ਸੁਧਰ ਨਹੀਂ ਰਹੀ।
ਫਰੇਜ਼ਰ ਵੈਲੀ ਵਿਚ ਐਟਮਸਫੈਰਿਕ ਰਿਵਰ ਨਾਲ ਚਾਲੀ ਤੋਂ ਸੱਤਰ ਮਿਲੀਮੀਟਰ ਅਤੇ ਹੋ ਸਾਊਂਡ ਦੇ ਦੁਆਲੇ ਨਾਰਥ ਸ਼ੋਰ ਮਾਊਨਟੇਨਜ਼ ਵਿਚ ਸੌ ਮਿਲੀਮੀਟਰ ਤੋਂ ਵੀ ਵੱਧ ਮੀਂਹ ਪੈਣ ਦੀ ਸੰਭਾਵਨਾ ਹੈ।
ਪਬਲਿਕ ਸੇਫਟੀ ਮਿਨਿਸਟਰ ਮਾਈਕ ਫਾਰਨਵਰਥ ਨੇ ਦੱਸਿਆ ਕਿ ਫੈਡਰਲ ਸਰਕਾਰ ਤੇ ਐਨਵਾਇਰਨਮੈਂਟ ਕੈਨੇਡਾ ਰਲ ਕੇ ਐਟਮਸਫੈਰਿਕ ਰਿਵਰਸ ਦਾ ਰੈਂਕਿੰਗ ਸਿਸਟਮ ਤਿਆਰ ਕਰ ਰਹੇ ਹਨ ਜਿਸ ਨਾਲ ਸੂਬੇ ਦੀ ਸਰਕਾਰ ਨੂੰ ਅਜਿਹੀ ਸਥਿਤੀ ਲਈ ਪਹਿਲਾਂ ਤੋਂ ਹੀ ਤਿਆਰ ਰਹਿਣ ਵਿੱਚ ਮੱਦਦ ਮਿਲ ਸਕੇਗੀ।
ਫਾਰਨਵਰਥ ਦੇ ਮੁਤਾਬਿਕ ਉਹਨਾਂ ਨੂੰ ਦੱਸਿਆ ਗਿਆ ਹੈ ਕਿ ਇਹ ਸਿਸਟਮ ਜਨਵਰੀ ਤੋਂ ਲਾਗੂ ਹੋ ਸਕਦਾ ਹੈ, ਪਰ ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਸੀ ਕਿ ਹਾਲੇ ਇਸ ਸਿਸਟਮ ਨੂੰ ਸ਼ੁਰੂ ਕਰਨ ਲਈ ਕੋਈ ਪੁਸ਼ਟ ਤਰੀਕ ਤੈਅ ਨਹੀਂ ਹੋਈ।
