12.76C Vancouver 12.76C VancouverMay 10, 2021 5:34 PM -
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਲੋਕਾਂ ਨੂੰ ਯਾਦ ਦਵਾਇਆ ਜਾ ਰਿਹਾ ਹੈ ਕਿ ਇਨਵੈਸਟਮੈਂਟ ਸੰਬੰਧੀ ਘਪਲਿਆਂ ਤੋਂ ਬਚਾਅ ਕੀਤਾ ਜਾਵੇ।
ਇਸੇ ਸਾਲ ਹੋਈਆਂ ਅਜਿਹੇ ਘਪਲਿਆਂ ਦੀਆਂ ਕਈ ਰਿਪੋਰਟਸ ਤੋਂ ਬਾਅਦ ਪੁਲਿਸ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਹੈ।
ਜਨਵਰੀ 2021 ਤੋਂ ਹੁਣ ਤਕ ਸਰੀ ਆਰ.ਸੀ.ਐਮ.ਪੀ. ਨੂੰ ਕ੍ਰਿਪਟੋ ਕਰੰਸੀ ਨਾਲ ਸੰਬੰਧਤ ਠੱਗੀ ਦੀਆਂ 59 ਸ਼ਿਕਾਇਤਾਂ ਹਾਸਿਲ ਹੋ ਚੁੱਕੀਆਂ ਹਨ ਜਿਸ ਦੀ ਕੁੱਲ ਰਕਮ $6,12,748 ਦੱਸੀ ਗਈ ਹੈ।
ਇਸ 'ਚ ਸਭ ਤੋਂ ਵੱਧ ਰਿਪੋਰਟ ਹੋਏ ਘਪਲੇ, ਸੀ.ਆਰ.ਏ./ਪੁਲਿਸ ਠੱਗੀ ਦੇ ਦੱਸੇ ਗਏ ਜਿਸ ਦੀਆਂ 25 ਸ਼ਿਕਾਇਤਾਂ ਹਾਸਿਲ ਹੋਈਆਂ ਹਨ।
ਅਜਿਹੇ ਘਪਲਿਆਂ 'ਚ ਆਮ ਤੌਰ 'ਤੇ ਠੱਗ, ਖੁਦ ਨੂੰ ਕਿਸੇ ਅਧਿਕਾਰੀ ਵਜੋਂ ਪੇਸ਼ ਕਰਦੇ ਹਨ।
ਕ੍ਰਿਪਟੋ ਕਰੰਸੀ ਨਾਲ ਸੰਬੰਧਤ ਠੱਗੀ ਦੀਆਂ ਘਟਨਾਵਾਂ 'ਚ $3,75,200 ਦੇ ਨੁਕਸਾਨ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਕ੍ਰਿਪਟੋ ਕਰੰਸੀ ਨਾਲ ਸੰਬੰਧਤ ਨਿਵੇਸ਼ ਦੇ ਘਪਲੇ ਅਜਿਹੇ ਸਨ ਜਿੱਥੇ ਨਿਸ਼ਾਨਾ ਬਣੇ ਲੋਕਾਂ ਨੇ ਸਹਿਮਤੀ ਨਾਲ ਰਕਮ ਪ੍ਰਦਾਨ ਕਰ ਦਿੱਤੀ ਸੀ ਅਤੇ ਅਜਿਹਾ ਕ੍ਰਿਪਟੋ ਕਰੰਸੀ ਖਰੀਦਣ ਦੇ ਲਈ ਕੀਤਾ ਗਿਆ ਸੀ।
ਇਸ 'ਚ ਵਧੇਰੇ ਮਾਮਲੇ ਬਿਟਕਾਇਨ ਨਾਲ ਸੰਬੰਧਤ ਸਨ।
ਪੁਲਿਸ ਨੇ ਸਾਵਧਾਨ ਕੀਤਾ ਹੈ ਕਿ ਜੇਕਰ ਕਿਸੇ ਨੇ ਕ੍ਰਿਪਟੋ ਕਰੰਸੀ ਖਰੀਦਣੀ ਹੈ ਤਾਂ ਇਸ ਦੇ ਲਈ ਕਿਸੇ ਅਹਿਮ ਪਲੈਟਫਾਰਮ ਦੀ ਵਰਤੋਂ ਕੀਤੀ ਜਾਵੇ ਜਾਂ ਫਿਰ ਔਨਲਾਈਨ ਐਕਸਚੇਂਜ 'ਤੇ ਨਿਰਭਰ ਕੀਤਾ ਜਾਵੇ।
