17.66C Vancouver 17.66C VancouverJun 8, 2021 9:28 PM -
ਪ੍ਰੋਵਿੰਸ਼ੀਅਲ ਹੈਲਥ ਸਰਵਿਸਿਸ ਅਥਾਰਿਟੀ ਅਤੇ ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਦਾ ਕਹਿਣਾ ਹੈ ਕਿ ਇੱਕ ਮਿਲੀਅਨ ਤੋਂ ਵਧੇਰੇ ਨੈਲੋਕਸੋਨ ਕਿੱਟਾਂ ਨੂੰ ਸਾਲ 2012 ਤੋਂ ਬੀ.ਸੀ. 'ਚ ਸ਼ਿਪ ਕੀਤਾ ਗਿਆ ਹੈ।
ਦੱਸਿਆ ਗਿਆ ਕਿ ਇਸ 'ਚ ਕਰੀਬ ਇੱਕ ਚੌਥਾਈ ਤੋਂ ਵੱਧ ਸਿਰਫ ਬੀਤੇ ਸਾਲ ਹੀ ਬੀ.ਸੀ. ਲਿਆਂਦੇ ਗਏ।
ਇਹਨਾਂ ਕਿੱਟਾਂ ਦੀ ਵਰਤੋਂ ਓਪੀਓਇਡ ਓਵਰਡੋਜ਼ ਨਾਲ ਨਜਿੱਠਣ ਲਈ ਕੀਤੀ ਜਾਂਦੀ ਹੈ।
ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਮੈਥੇਮੈਟਿਕਲ ਮਾਡਲਿੰਗ ਦਰਸ਼ਾਉਂਦੀ ਹੈ ਕਿ ਇਹਨਾਂ ਕਿੱਟਾਂ ਦੀ ਵਰਤੋਂ ਕਰ 3,000 ਤੋਂ ਵਧੇਰੇ ਜਾਨਲੇਵਾ ਸਾਬਿਤ ਹੋ ਸਕਦੀਆਂ ਓਵਰਡੋਜ਼ ਦੇ ਮਾਮਲਿਆਂ 'ਚ ਜਾਨ ਬਚ ਗਈ ਸੀ।
ਇਹ ਅੰਕੜਾ ਜਨਵਰੀ 2015 ਤੋਂ ਇਸ ਸਾਲ ਮਾਰਚ ਦਰਮਿਆਨ ਦਾ ਦੱਸਿਆ ਗਿਆ ਹੈ।
ਹਾਲਾਂਕਿ ਕੁਝ ਮਾਹਿਰਾਂ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਲਗਾਤਾਰ ਵਧ ਰਹੇ ਓਵਰਡੋਜ਼ ਮਾਮਲਿਆਂ ਵਿਚਾਲੇ ਸਿਰਫ ਇਹ ਕਿੱਟਾਂ ਹੀ ਕਾਫੀ ਨਹੀਂ ਹਨ।
ਯਾਦ ਰਹੇ ਇਸ ਸਾਲ ਓਵਰਡੋਜ਼ ਕਾਰਨ ਹਰ ਰੋਜ਼ 5 ਤੋਂ ਵੱਧ ਮੌਤਾਂ ਹੋਣ ਦੇ ਅੰਕੜੇ ਸਾਹਮਣੇ ਆਏ ਹਨ।
