11.8C Vancouver 11.8C VancouverJun 25, 2020 9:36 PM -
ਮੈਡੀਟ੍ਰੇਨੀਅਨ ਸਮੁੰਦਰ 'ਚ 29 ਅਪ੍ਰੈਲ ਨੂੰ ਦੁਰਘਟਨਾ ਦਾ ਸ਼ਿਕਾਰ ਹੋਏ ਹੈਲੀਕਾਪਟਰ 'ਚ ਸਵਾਰ ਕਨੇਡੀਅਨ ਆਰਮਡ ਫੋਰਸਿਜ਼ ਦੇ 6 ਵਿੱਚੋਂ 4 ਮੈਂਬਰਾਂ ਲਈ ਅੱਜ ਹੈਲੀਫੈਕਸ 'ਚ ਇੱਕ ਮੋਟਰਕੇਡ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਮੈਰੀਟਾਈਮ ਫੋਰਸਿਜ਼ ਐਟਲਾਂਟਿਕ ਦਾ ਕਹਿਣਾ ਹੈ ਕਿ ਕੈਪਟਨ ਬ੍ਰੈਂਡਨ ਮੈਕਡੌਨਲਡ, ਕੈਪਟਨ ਮੈਕਜ਼ਿਮ ਮਿਰੋਨ-ਮੌਰੀਨ, ਮਾਸਟਰ ਕੌਰਪੋਰਲ ਮੈਥਿਊ ਕਜ਼ਨਜ਼ ਅਤੇ ਸਬ-ਲੈਫਟੀਨੈਂਟ ਮੈਥਿਊ ਪਾਈਕ ਦੇ ਅਵਸ਼ੇਸ਼, ਹੈਲੀਫੈਕਸ ਸਟੈਨਫੀਲਡ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਸਥਾਨਿਕ ਸਮੇਂ ਅਨੁਸਾਰ, ਸ਼ਾਮ ਕਰੀਬ 5.45 ਮਿਨਟ 'ਤੇ ਬਾਹਰ ਲਿਆਂਦੇ ਜਾਣਗੇ।
ਇੱਥੋਂ ਮੈਕਡੌਨਲਡ, ਮਿਰੋਨ-ਮੌਰੀਨ ਅਤੇ ਕਜ਼ਨਜ਼ ਦੇ ਅਵਸ਼ੇਸ਼ ਹੈਲੀਫੈਕਸ ਦੇ ਫਿਊਨਰਲ ਘਰ 'ਚ ਪਹੁੰਚਾਏ ਜਾਣਗੇ।
ਜਦਕਿ ਮੈਥਿਊ ਪਾਈਕ ਦੇ ਅਵਸ਼ੇਸ਼ ਨੋਵਾ ਸਕੌਸ਼ੀਆ 'ਚ ਟਰੂਰੋ ਪਹੁੰਚਾਏ ਜਾਣਗੇ।
ਕੈਪਟਨ ਕੇਵਿਨ ਹੇਗਨ ਦੀ ਸੈਰੇਮਨੀ ਵਿਕਟੋਰੀਆ 'ਚ ਸ਼ਨੀਵਾਰ ਨੂੰ ਹੋਵੇਗੀ।
ਯਾਦ ਰਹੇ 23 ਸਾਲਾ ਸਬ ਲੈਫਟੀਨੈਂਟ ਐਬੀਗੇਲ ਕੌਬਰੋ ਦੇ ਫਿਊਨਰਲ 11 ਮਈ ਨੂੰ ਹੋਇਆ ਸੀ।
