20.1C Vancouver 20.1C VancouverJul 7, 2025 4:53 PM - Connect Newsroom
ਵੈਨਕੂਵਰ ਆਈਲੈਂਡ ਵਿਚ ਇੱਕ 23 ਸਾਲਾ ਨੌਜਵਾਨ ਨੂੰ ਇੱਕ ਵਿਅਸਤ ਡਾਊਨਟਾਊਨ ਸਟ੍ਰੀਟ 'ਤੇ ਕਾਨੂੰਨੀ ਸਪੀਡ ਲਿਮਟ ਤੋਂ ਤਿੰਨ ਗੁਣਾ ਵੱਧ ਰਫਤਾਰ 'ਤੇ ਆਪਣਾ ਮੋਟਰਸਾਈਕਲ ਦੜਾਉਣ ਦੇ ਮਾਮਲੇ ਵਿਚ ਖਤਰਨਾਕ ਡਰਾਈਵਿੰਗ ਦੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਬੀ.ਸੀ. ਹਾਈਵੇ ਪੈਟਰੋਲ ਨੇ ਸੋਮਵਾਰ ਨੂੰ ਜਾਰੀ ਇੱਕ ਬਿਆਨ ਵਿਚ ਕਿਹਾ ਕਿ ਮੋਟਰਸਾਈਕਲ ਸਵਾਰ ਨੂੰ 11 ਜੂਨ ਦੀ ਰਾਤ 9:30 ਵਜੇ ਦੇ ਕਰੀਬ ਪਾਰਕਸਵਿਲ ਵਿਚ 60 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਵਾਲੇ ਜ਼ੋਨ ਵਿਚ 193 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਮੋਟਰਸਾਈਕਲ ਦੜਾਉਂਦੇ ਫੜ੍ਹਿਆ ਗਿਆ ਸੀ। ਉਸ ਨੇ ਸੜਕ 'ਤੇ ਕਈ ਖਤਰਨਾਕ ਸਟੰਟ ਵੀ ਕੀਤੇ ਸਨ।
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਕਿਹਾ ਕਿ ਖੁਸ਼ਕਿਸਮਤੀ ਨਾਲ ਉਨ੍ਹਾਂ ਦੇ ਅਧਿਕਾਰੀ ਇਲਾਕੇ ਵਿਚ ਸਨ ਅਤੇ ਉਸ ਨੂੰ ਰੋਕਣ ਵਿਚ ਸਫਲ ਰਹੇ। ਪੁਲਿਸ ਨੇ ਕਿਹਾ ਕਿ ਨੌਜਵਾਨ ਨੂੰ ਹੁਣ ਸੂਬਾਈ ਅਦਾਲਤ ਦੇ ਜੱਜ ਸਾਹਮਣੇ ਜਵਾਬ ਦੇਣਾ ਪਵੇਗਾ।
