ਐਡਮਿੰਟਨ ਦੀ ਵਿੰਟਰਬਰਨ ਰੋਡ 'ਤੇ ਮੋਟਰਸਾਈਕਲ ਸਵਾਰ ਦੀ ਮੌਤ

ਐਡਮਿੰਟਨ ਦੀ ਵਿੰਟਰਬਰਨ ਰੋਡ 'ਤੇ ਸ਼ਨੀਵਾਰ ਵਾਪਰੇ ਹਾਦਸੇ ਵਿਚ ਇਕ ਮੋਟਰਸਾਈਕਲ ਸਵਾਰ ਦੀ ਮੌਤ ਹੋ ਗਈ। ਸ਼ਾਮ ਕਰੀਬ 7.15 ਵਜੇ ਵੈਸਟਵਿਊ ਬੁਲੇਵਾਰਡ ਦੀ ਵਿੰਟਰਬਰਨ ਰੋਡ ਨੇੜੇ ਦੋ ਵਾਹਨਾਂ ਵਿਚਕਾਰ ਟੱਕਰ ਹੋਈ।

ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਵਾਹਨ ਲੰਘਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਕਿ 26 ਸਾਲਾ ਮੋਟਰਸਾਈਕਲਿਸਟ ਟਕਰਾ ਕੇ ਡਿੱਗ ਗਿਆ ਅਤੇ ਉਸ ਦੀ ਉੱਥੇ ਹੀ ਮੌਤ ਹੋ ਗਈ। ਪੈਰਾਮੈਡਿਕਸ ਮੌਕੇ 'ਤੇ ਪੁੱਜੇ ਪਰ ਤਦ ਤੱਕ ਨੌਜਵਾਨ ਦਮ ਤੋੜ ਚੁੱਕਾ ਸੀ।

ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਚੱਲ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਜੇਕਰ ਕਿਸੇ ਕੋਲ ਇਸ ਸਬੰਧੀ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਉਨ੍ਹਾਂ ਨੂੰ ਫੋਨ ਕਰਕੇ ਮਦਦ ਕਰ ਸਕਦਾ ਹੈ।