13.16C Vancouver 13.16C VancouverJun 17, 2025 6:08 PM - The Canadian Press
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਲਈ ਐਲਬਰਟਾ ਵਿਚ ਜ਼ਿਮਨੀ ਚੋਣ ਲੜਨ ਦਾ ਰਸਤਾ ਸਾਫ ਹੋ ਗਿਆ ਹੈ।ਐਮ.ਪੀ. ਡੈਮੀਅਨ ਕੁਰੇਕ ਨੇ ਅਧਿਕਾਰਤ ਤੌਰ 'ਤੇ ਆਪਣੀ ਬੈਟਲ ਰਿਵਰ-ਕਰੋਫੁੱਟ ਸੀਟ ਖਾਲੀ ਕਰ ਦਿੱਤੀ ਹੈ। ਡੈਮੀਅਨ 2019 ਤੋਂ ਇਸ ਸੀਟ ਦੀ ਨੁਮਾਇੰਦਗੀ ਕਰ ਰਹੇ ਸਨ।
ਉਨ੍ਹਾਂ 28 ਅਪ੍ਰੈਲ ਨੂੰ ਹੋਈਆਂ ਫੈਡਰਲ ਚੋਣਾਂ ਵਿਚ ਇਹ ਰਾਈਡਿੰਗ ਲਿਬਰਲ ਉਮੀਦਵਾਰ ਤੋਂ 46,000 ਵੋਟਾਂ ਨਾਲ ਜਿੱਤੀ ਸੀ ਅਤੇ ਪੌਲੀਐਵ ਦੇ ਔਟਵਾ ਖੇਤਰ ਸੀਟ ਹਾਰਨ ਤੋਂ ਬਾਅਦ ਉਨ੍ਹਾਂ ਲਈ ਇਹ ਸੀਟ ਖਾਲੀ ਕਰਨ ਦੀ ਘੋਸ਼ਣਾ ਕੀਤੀ ਸੀ।
ਓਧਰ, ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਜ਼ਿਮਨੀ ਚੋਣ ਨੂੰ ਜਲਦ ਮਨਜ਼ੂਰੀ ਦਿੱਤੇ ਜਾਣ ਦੀ ਉਮੀਦ ਹੈ, ਕਾਰਨੀ ਨੇ ਚੋਣਾਂ ਜਿੱਤਣ ਮਗਰੋਂ ਹੀ ਕਹਿ ਦਿੱਤਾ ਸੀ ਕਿ ਪੌਲੀਐਵ ਲਈ ਜ਼ਿਮਨੀ ਚੋਣ ਨੂੰ ਤੁਰੰਤ ਹਰੀ ਝੰਡੀ ਦੇ ਦੇਣਗੇ।
ਗੌਰਤਲਬ ਹੈ ਕਿ ਪੌਲੀਐਵ ਔਟਵਾ ਹਲਕੇ ਦੀ ਕਾਰਲਟਨ ਰਾਈਡਿੰਗ ਵਿਚ ਲਿਬਰਲ ਦੇ ਬਰੂਸ ਫੈਨਜੋਏ ਤੋਂ ਕਰੀਬ 4 ਹਜ਼ਾਰ ਵੋਟਾਂ ਦੇ ਫਰਕ ਨਾਲ ਹਾਰ ਗਏ ਸਨ, ਜਦੋਂ ਕਿ ਉਨ੍ਹਾਂ ਤੋਂ ਇਹ ਸੀਟ 20 ਸਾਲਾਂ ਤੋਂ ਸੀ।
