ਸੰਸਦ ਮੈਂਬਰਾਂ ਨੇ ਰੋਜਰਜ਼, ਬੇਲ ਅਤੇ ਟੇਲਸ ਦੇ ਸੀ.ਈ.ਓਜ਼ ਨੂੰ ਫੋਨ ਦੀਆਂ ਕੀਮਤਾਂ ਬਾਰੇ ਕਮੇਟੀ ਵਿੱਚ ਹਾਜ਼ਰ ਹੋਣ ਲਈ ਸੰਮਨ ਕੀਤਾ

ਕੈਨੇਡਾ ਦੀਆਂ ਤਿੰਨ ਵੱਡੀਆਂ ਦੂਰਸੰਚਾਰ ਕੰਪਨੀਆਂ ਦੇ ਮੁੱਖ ਕਾਰਜਕਾਰੀ ਨੂੰ ਹਾਊਸ ਔਫ ਕੌਮਨਜ਼ ਦੀ ਕਮੇਟੀ ਨੇ ਫੋਨ ਪਲਾਨ ਦੀਆਂ ਕੀਮਤਾਂ ਦੇ ਮਾਮਲੇ ਵਿਚ ਸੰਮਨ ਕੀਤਾ ਹੈ।

ਵਾਇਰਲੈਸ ਅਤੇ ਬਰਾਡਬੈਂਡ ਸਰਵਿਸ ਦੀ ਪਹੁੰਚ ਅਤੇ ਸਮਰੱਥਾ ਦੀ ਸਟੱਡੀ ਕਰ ਰਹੀ ਕਮੇਟੀ ਵਲੋਂ ਰੋਜਰਸ ਬੈੱਲ ਅਤੇ ਟੇਲਸ ਦੇ ਸੀ.ਈ.ਓ. ਨੂੰ ਸਵਾਲਾਂ ਦੇ ਜਵਾਬ ਦੇਣ ਲਈ ਬੁਲਾਇਆ ਗਿਆ ਹੈ। ਕਮੇਟੀ ਦੇ ਕੁਝ ਮੈਂਬਰਾਂ ਨੇ ਕੈਨੇਡਾ ਵਿਚ ਸੈਲਫੋਨ ਅਤੇ ਇੰਟਰਨੈੱਟ ਦੀਆਂ ਕੀਮਤਾਂ ਬਾਰੇ ਚਿੰਤਾ ਪ੍ਰਗਟ ਕੀਤੀ ਹੈ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੈਨੇਡੀਅਨ ਇਨ੍ਹਾਂ ਸੇਵਾਵਾਂ ਲਈ ਬਹੁਤ ਜ਼ਿਆਦਾ ਖ਼ਰਚ ਕਰਦੇ ਹਨ। ਇਸ ਲਈ ਕਮੇਟੀ ਕੰਪਨੀਜ਼ ਦੇ ਸੀ.ਈ. ਓਜ਼ ਤੋਂ ਪੁੱਛਗਿੱਛ ਕਰਨਾ ਚਾਹੁੰਦੀ ਹੈ।

ਹਾਲ ਹੀ ਵਿਚ ਕੈਨੇਡੀਅਨ ਦੂਰਸੰਚਾਰ ਕਮਿਸ਼ਨ ਦੇ ਨੁਮਾਇੰਦੇ ਵੀ ਕਮੇਟੀ ਸਾਹਮਣੇ ਪੇਸ਼ ਹੋਏ ਸਨ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਖਪਤਕਾਰ ਮੁੱਲ ਸੂਚਕਾਂਕ ਤੋਂ ਪਤਾ ਲੱਗਦਾ ਹੈ ਕਿ ਦੂਰਸੰਚਾਰ ਸੇਵਾ ਦੀਆਂ ਕੀਮਤਾਂ ਵਿਚ 16 ਫੀਸਦੀ ਦੀ ਕਮੀ ਆਈ ਹੈ ਪਰ ਰੈਗੂਲੇਟਰੀ ਦਾ ਕਹਿਣਾ ਸੀ ਕਿ ਉਹ ਨਹੀਂ ਚਾਹੁੰਦਾ ਕਿ ਕੰਪਨੀਜ਼ ਵਲੋਂ ਜਨਵਰੀ ਵਿਚ ਕੁਝ ਗ੍ਰਾਹਕਾਂ ਲਈ ਕੀਮਤਾਂ ਵਿਚ ਕੀਤੇ ਗਏ ਵਾਧੇ ਦਾ ਐਲਾਨ ਅੱਗੇ ਲਈ ਟਰੈਂਡ ਬਣ ਜਾਵੇ।