11.47C Vancouver 11.47C VancouverNov 6, 2023 7:14 PM - The Canadian Press
ਕੈਨੇਡਾ ਦੇ ਹਾਊਸ ਆਫ ਕਾਮਨਜ਼ ਵਿੱਚ ਅੱਜ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਦੇ ਕਾਰਬਨ ਟੈਕਸ ਮੋਸ਼ਨ 'ਤੇ ਵੋਟਿੰਗ ਹੋਵੇਗੀ।
ਇਸ ਮੋਸ਼ਨ ਵਿੱਚ ਸਾਰੇ ਤਰ੍ਹਾਂ ਦੀ ਹੋਮ ਹੀਟਿੰਗ ਲਈ ਕਾਰਬਨ ਪ੍ਰਾਈਸ ਵਿੱਚ ਛੋਟ ਲਾਗੂ ਕਰਨ ਦੀ ਮੰਗ ਕੀਤੀ ਗਈ ਹੈ।
ਐੱਨਡੀਪੀ ਵੀ ਇਸ ਮੋਸ਼ਨ ਦੀ ਸਪੋਰਟ ਵਿੱਚ ਹੈ ਹਾਲਾਂਕਿ ਜੇ ਵੋਟਿੰਗ ਵਿੱਚ ਪਾਸ ਹੋ ਜਾਂਦਾ ਹੈ ਤਾਂ ਵੀ ਸਰਕਾਰ ਇਸ ਨੂੰ ਲਾਗੂ ਕਰਨ ਲਈ ਪਾਬੰਦ ਨਹੀਂ ਹੋਵੇਗੀ ਪਰ ਲਿਬਰਲਸ ਲਈ ਇਹ ਵੱਡੀ ਚੁਣੌਤੀ ਜ਼ਰੂਰ ਹੋਵੇਗਾ ਕਿਉਂਕਿ ਐੱਨਡੀਪੀ ਕੰਜ਼ਰਵੇਟਿਵ ਦੇ ਮੋਸ਼ਨ ਨੂੰ ਉਸ ਸਮੇਂ ਸਮਰਥਨ ਦੇ ਰਹੀ ਹੈ ਜਦੋਂ ਲਿਬਰਲਸ ਨਾਲ ਉਸ ਦਾ ਸਪਲਾਈ ਅਤੇ ਕੋਨਫੀਡੈਂਸ ਸਮਝੌਤੇ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪਿਛਲੇ ਮਹੀਨੇ ਘੋਸ਼ਣਾ ਕੀਤੀ ਸੀ ਕਿ ਹੋਮ ਹੀਟਿੰਗ ਤੇਲ ਨੂੰ ਅਗਲੇ ਤਿੰਨ ਸਾਲ ਲਈ ਕਾਰਬਨ ਪ੍ਰਾਈਸ ਤੋਂ ਛੋਟ ਦਿੱਤੀ ਜਾ ਰਹੀ ਹੈ, ਟਰੂਡੋ ਦੇ ਇਸ ਕਦਮ ਨੇ ਨਾ ਸਿਰਫ ਔਟਵਾ ਵਿੱਚ ਵਿਰੋਧੀ ਧਿਰਾਂ ਨੇ ਸਗੋਂ ਅਲਬਰਟਾ, ਬੀ.ਸੀ ਵਰਗੇ ਸੂਬਿਆਂ ਦੇ ਪ੍ਰੀਮੀਅਰ ਨੇ ਵੀ ਵਿਰੋਧ ਕੀਤਾ ਹੈ।
ਗੌਰਤਲਬ ਹੈ ਕਿ ਐੱਨਡੀਪੀ ਦੀ ਸਪੋਰਟ ਮਿਲਣ ਦੇ ਬਾਵਜੂਦ ਪੌਲੀਐਵ ਦਾ ਮੋਸ਼ਨ ਪਾਸ ਹੋਣ ਦੇ ਆਸਾਰ ਮੱਧਮ ਹਨ ਕਿਉਂਕਿ ਲਿਬਰਲਸ ਕੋਲ 158 ਸੀਟਸ ਹਨ ਜਦੋਂ ਕਿ ਕੰਜ਼ਰਵੇਟਿਵ ਅਤੇ ਐੱਨਡੀਪੀ ਦੋਹਾਂ ਨੂੰ ਮਿਲਾ ਕੇ 142 ਸੀਟਾਂ ਹਨ। ਉਥੇ ਹੀ ਬਲਾਕ ਕਿਊਬੈਕਵਾ ਇਸ ਵੋਟਿੰਗ ਤੋਂ ਦੂਰੀ ਰੱਖ ਸਕਦੇ ਹਨ ਜਿਨ੍ਹਾਂ ਕੋਲ 32 ਸੀਟਸ ਹਨ।
