12.32C Vancouver 12.32C VancouverJun 11, 2021 9:28 PM -
ਫੈਡਰਲ ਕਨੂੰਨਘਾੜਿਆਂ ਦੀ ਮੰਗ ਹੈ ਕਿ ਟਰੂਡੋ ਸਰਕਾਰ ਇੱਕ ਐਮਰਜੈਂਸੀ ਬੈਠਕ ਸੱਦੇ ਜਿਸ 'ਚ ਇਸਲਾਮੋਫੋਬੀਆ 'ਤੇ ਚਰਚਾ ਕੀਤੀ ਜਾਵੇ।
ਅੱਜ ਹਾਊਸ ਆਫ ਕਾਮਨਜ਼ ਵਿੱਚ ਐਮ.ਪੀ.'ਸ ਨੇ ਇਸ ਬਾਬਤ ਇੱਕ ਮਤੇ 'ਤੇ ਵੋਟ ਕੀਤਾ।
ਐਨ.ਡੀ.ਪੀ. ਵੱਲੋਂ ਪੇਸ਼ ਕੀਤੇ ਗਏ ਮਤੇ ਨੂੰ ਯੁਨੈਨੀਮਸਲੀ ਪਾਸ ਕੀਤਾ ਗਿਆ।
ਐਤਵਾਰ ਨੂੰ ਲੰਡਨ 'ਚ ਵਾਪਰੇ ਇੱਕ ਮੁਸਲਿਮ ਪਰਿਵਾਰ ਨਾਲ ਸੰਬੰਧਤ ਭਿਆਨਕ ਹਮਲੇ ਦੇ ਮਾਮਲੇ 'ਚ ਇਹ ਬੈਠਕ ਸੱਦਣ ਦੀ ਮੰਗ ਚੁੱਕੀ ਗਈ ਹੈ।
ਜੁਲਾਈ ਦੇ ਅੰਤ ਤਕ ਇਸ ਬੈਠਕ ਨੂੰ ਸੱਦਣ ਦੀ ਮੰਗ ਕੀਤੀ ਗਈ ਹੈ।
ਯਾਦ ਰਹੇ ਲੰਡਨ 'ਚ ਇੱਕ ਮੁਸਲਿਮ ਪਰਿਵਾਰ 'ਤੇ ਬੇਰਹਿਮੀ ਨਾਲ ਟਰੱਕ ਚੜ੍ਹਾ ਦੇਣ ਵਾਲੇ ਯੁਵਕ ਦੀ ਮਾਂ ਨੇ ਕਿਹਾ ਹੈ ਕਿ ਉਹ ਇਸ ਭਿਆਨਕ ਘਟਨਾ ਤੋਂ ਬੇਹੱਦ ਦੁਖੀ ਹਨ।
ਐਲੀਸੀਆ ਬੀਸੈਟ ਦਾ ਕਹਿਣਾ ਹੈ ਕਿ ਉਹ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਦੇ ਲਈ ਪ੍ਰਾਰਥਨਾ ਕਰ ਰਹੀ ਹੈ।
ਯਾਦ ਰਹੇ ਇਸ ਘਟਨਾ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ ਨਥੈਨੀਅਲ ਵੈਲਟਮੈਨ ਹੈ ਅਤੇ ਉਸ ਦੀ ਉਮਰ 20 ਸਾਲ ਹੈ।
ਇਸ ਯੁਵਕ 'ਤੇ ਫਰਸਟ ਡਿਗਰੀ ਕਤਲ ਦੇ 4 ਦੋਸ਼ ਅਤੇ ਕਤਲ ਦੀ ਕੋਸ਼ਿਸ਼ ਦਾ ਇੱਕ ਦੋਸ਼ ਲੱਗਾ ਹੈ।
