18.38C Vancouver 18.38C VancouverSep 13, 2022 9:32 PM - Connect News
ਸਰੀ ਇੱਕ ਵਿਅਕਤੀ ਵੱਲੋਂ ਗੱਡੀ ਸੇਲ ਕਰਨ ਦੀ ਕੋਸ਼ਿਸ਼ ਦੌਰਾਨ ਉਸ ਦੀ ਗੱਡੀ ਚੋਰੀ ਕਰ ਲਈ ਗਈ।
ਸਰੀ ਆਰ.ਸੀ.ਐਮ.ਪੀ. ਨੇ ਇੱਕ ਪਾਸੇ ਕਥਿਤ ਚੋਰ ਨੂੰ ਕਾਬੂ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਅਤੇ ਨਾਲ ਹੀ ਲੋਕਾਂ ਨੂੰ ਸਾਵਧਾਨ ਵੀ ਕੀਤਾ ਗਿਆ ਹੈ।
ਮਾਮਲਾ 31 ਅਗਸਤ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਰਿਪੋਰਟ ਮਿਲੀ ਸੀ ਕਿ 148A ਸਟ੍ਰੀਟ ਦੇ 9000 ਬਲੌਕ 'ਚ ਸੱਦਿਆ ਗਿਆ ਸੀ।
ਗੱਡੀ ਸੇਲ ਕਰਨ ਵਾਲੇ ਨੇ ਇੱਕ ਅਜਿਹੇ ਵਿਅਕਤੀ ਨੂੰ ਗੱਡੀ ਵਿਖਾਈ ਸੀ, ਜੋ ਗੱਡੀ ਖਰੀਦਣ ਵਾਲਾ ਬਣ ਕੇ ਪਹੁੰਚਿਆ ਸੀ।
1 ਸਿਤੰਬਰ ਨੂੰ ਸਰੀ ਆਰ.ਸੀ.ਐਮ.ਪੀ. ਦੀ ਗੈਂਗ ਐਨਫੋਰਸਮੈਂਟ ਯੂਨਿਟ ਵੱਲੋਂ 124 ਸਟ੍ਰੀਟ ਦੇ 7600 ਬਲੌਕ 'ਚ ਪੈਟਰੋਲਿੰਗ ਕੀਤੀ ਜਾ ਰਹੀ ਸੀ ਅਤੇ ਇਸੇ ਦੌਰਾਨ ਚੋਰੀ ਦਾ ਵਾਹਨ ਲੋਕੇਟ ਕਰ ਲਿਆ ਗਿਆ।
ਪੁਲਿਸ ਨੇ ਟਰੈਫਿਕ ਸਟੌਪ ਦੀ ਕੋਸ਼ਿਸ਼ ਕੀਤੀ ਪਰ ਵਾਹਨ ਤੇਜ ਰਫਤਾਰ 'ਤੇ ਦੌੜਾ ਲਿਆ ਗਿਆ ਅਤੇ ਰਫਤਾਰ ਅਜਿਹੀ ਸੀ ਜੋ ਹੋਰ ਲੋਕਾਂ ਲਈ ਖਤਰਾ ਸਾਬਿਤ ਹੋ ਸਕਦੀ ਸੀ।
ਪੁਲਿਸ ਨੇ ਗੱਡੀ ਦਾ ਪਿੱਛਾ ਨਹੀਂ ਕੀਤਾ ਬਲਕਿ ਏਅਰ 1 ਜਰੀਏ ਗੱਡੀ ਨੂੰ ਹਵਾਈ ਢੰਗ ਨਾਲ ਸਪੌਟ ਕਰਨ ਦੀ ਕੋਸ਼ਿਸ਼ ਕੀਤੀ।
ਏਅਰ 1 ਆਸਰੇ ਪਤਾ ਲੱਗਿਆ ਕਿ ਵਾਹਨ ਚਾਲਕ ਨੇ ਗੱਡੀ 121A ਸਟ੍ਰੀਟ ਦੇ 6400 ਬਲੌਕ ਕੋਲ ਰੋਕੀ ਸੀ।
ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਸ਼ੱਕੀ ਨੂੰ ਕਾਬੂ ਕਰ ਲਿਆ।
ਮਾਮਲੇ 'ਚ ਡੈਲਟਾ ਦੇ 22 ਸਾਲਾ ਮੁਹੰਮਦ ਮੈਹਰਾਨ ਅਲੀ 'ਤੇ ਮਲਟੀਪਲ ਦੋਸ਼ ਲੱਗੇ ਹਨ।
