ਗਾਜ਼ਾ ਹਸਪਤਾਲ 'ਤੇ ਇਜ਼ਰਾਈਲੀ ਹਮਲਿਆਂ ਵਿੱਚ ਮਾਰੇ ਗਏ ਕਈ ਪੱਤਰਕਾਰ

ਗਾਜ਼ਾ ਦੇ ਇੱਕ ਮੁੱਖ ਹਸਪਤਾਲ 'ਤੇ ਸੋਮਵਾਰ ਨੂੰ ਇਜ਼ਰਾਈਲੀ ਹਮਲੇ ਵਿਚ 4 ਪੱਤਰਕਾਰਾਂ ਸਮੇਤ 19 ਲੋਕ ਮਾਰੇ ਗਏ। ਸਥਾਨਕ ਸਿਹਤ ਮੰਤਰਾਲਾ ਨੇ ਕਿਹਾ ਕਿ ਨਾਸਿਰ ਹਸਪਤਾਲ ਦੀ ਚੌਥੀ ਮੰਜ਼ਿਲ 'ਤੇ ਪੀੜਤਾਂ ਦੀ ਮੌਤ ਉਸ ਸਮੇਂ ਹੋਈ ਜਦੋਂ ਇੱਕ ਮਿਜ਼ਾਈਲ ਡਿੱਗੀ ਅਤੇ ਉਸੇ ਥਾਂ 'ਤੇ ਬਚਾਅ ਦਲ ਦੇ ਪਹੁੰਚਣ ਦੇ ਕੁਝ ਪਲਾਂ ਬਾਅਦ ਇੱਕ ਹੋਰ ਮਿਜ਼ਾਈਲ ਡਿੱਗੀ।

ਦੱਖਣੀ ਗਾਜ਼ਾ ਦੇ ਖਾਨ ਯੂਨਿਸ ਦਾ ਇਹ ਸਭ ਤੋਂ ਵੱਡਾ ਹਸਪਤਾਲ 22 ਮਹੀਨਿਆਂ ਤੋਂ ਜਾਰੀ ਯੁੱਧ ਦੌਰਾਨ ਛਾਪੇਮਾਰੀ ਅਤੇ ਬੰਬਾਰੀ ਦਾ ਕਈ ਵਾਰ ਸਾਹਮਣਾ ਕਰ ਚੁੱਕਾ ਹੈ। ਤਾਜ਼ਾ ਹਮਲੇ ਵਿਚ ਮਾਰੀ ਗਈ 33 ਸਾਲਾ ਮਰੀਅਮ ਡੱਗਾ ਗਾਜ਼ਾ ਯੁੱਧ ਦੀ ਸ਼ੁਰੂਆਤ ਤੋਂ ਹੀ ਐਸੋਸੀਏਟਿਡ ਪ੍ਰੈਸ ਅਤੇ ਹੋਰ ਆਊਟਲੈਟ ਨਾਲ ਕੰਮ ਕਰ ਰਹੀ ਸੀ। ਡੱਗਾ ਇੱਕ ਫ੍ਰੀਲਾਂਸਰ ਸੀ।

ਉਥੇ ਹੀ ਮਾਰੇ ਗਏ ਦੋ ਹੋਰ ਪੱਤਰਕਾਰਾਂ ਵਿਚ ਇੱਕ ਅਲ ਜਜ਼ੀਰਾ ਦਾ ਅਤੇ ਇੱਕ ਰਾਇਟਰਜ਼ ਦਾ ਠੇਕੇਦਾਰ ਕੈਮਰਾਮੈਨ ਸੀ। ਗਾਜ਼ਾ ਸਿਹਤ ਮੰਤਰਾਲਾ ਅਨੁਸਾਰ, ਜੂਨ ਵਿਚ ਹਸਪਤਾਲ 'ਤੇ ਕੀਤੇ ਗਏ ਹਮਲੇ ਵਿਚ ਤਿੰਨ ਲੋਕ ਮਾਰੇ ਗਏ ਸਨ ਅਤੇ 10 ਜ਼ਖਮੀ ਹੋਏ ਸਨ।