16.1C Vancouver 16.1C VancouverOct 30, 2021 1:00 AM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਅੱਜ ਜਾਣਕਾਰੀ ਦਿੱਤੀ ਗਈ ਹੈ ਕਿ ਫੈਂਟਾਨਿਲ ਦੀਆਂ ਹਜ਼ਾਰਾਂ ਜਾਨਲੇਵਾ ਸਾਬਿਤ ਹੋ ਸਕਦੀਆਂ ਖੁਰਾਕਾਂ ਬਰਾਮਦ ਕੀਤੀਆਂ ਗਈਆਂ ਹਨ।
ਮਾਮਲੇ 'ਚ 2 ਲੋਕਾਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ।
ਪੁਲਿਸ ਅਨੁਸਾਰ ਡਰੱਗਸ, ਕੈਸ਼, ਫੋਨ ਅਤੇ ਅਸਲੇ ਦੀ ਬਰਾਮਦਗੀ ਹੋਈ ਹੈ।
13 ਅਕਤੂਬਰ ਨੂੰ 3 ਸਰਚ ਵਰੰਟਾਂ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਲੋਅਰ ਮੇਨਲੈਂਡ ਨਾਲ ਸੰਬੰਧਤ ਗੈਂਗ ਝਗੜੇ ਨਾਲ ਜੁੜੇ ਡਰੱਗ ਤਸਕਰੀ ਰੈਕੇਟ ਨਾਲ ਸੰਬੰਧਤ ਜਾਂਚ ਦੇ ਚਲਦਿਆਂ ਸਰਚ ਵਰੰਟਾਂ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਇਹ ਰਿਹਾਇਸ਼ਾਂ 97 ਐਵੀਨਿਊ, 96A ਐਵੀਨਿਊ ਅਤੇ ਸੈਂਟਰਲ ਐਵੀਨਿਊ 'ਤੇ ਸਥਿਤ ਦੱਸੀਆਂ ਗਈਆਂ।
ਪੁਲਿਸ ਨੇ ਦੱਸਿਆ ਕਿ ਇਹ ਜਬਤਗੀ ਸਿਰਫ ਇਸੇ ਕਾਰਨ ਅਹਿਮ ਨਹੀਂ ਹੈ ਕਿ ਡਰੱਗ ਤਸਕਰੀ ਨੈਟਵਰਕ 'ਚ ਵਿਘਨ ਪਿਆ ਹੈ ਬਲਕਿ ਇਸ ਦੇ ਆਸਰੇ ਇਲਾਕੇ ਦੀਆਂ ਗਲੀਆਂ 'ਚ ਫੈਂਟਾਨਿਲ ਦੀਆਂ 25,000 ਘਟ ਖੁਰਾਕਾਂ ਦਾਖਿਲ ਹੋ ਸਕਣਗੀਆਂ।
ਪੁਲਿਸ ਨੇ ਦੱਸਿਆ ਕਿ ਫੈਂਟਾਨਿਲ ਤੋਂ ਇਲਾਵਾ ਅੱਧਾ ਕਿੱਲੋ ਕੋਕੇਨ, 250 ਗ੍ਰਾਮ ਬੈਨਜ਼ੋ-ਡੀਆ-ਜ਼ਿਪੀਨ ਅਤੇ ਕਈ ਕਿੱਲੋ ਬਫਿੰਗ ਏਜੈਂਟ ਬਰਾਮਦ ਹੋਏ।
ਇਸ ਤੋਂ ਇਲਾਵਾ ਫੋਨ, ਕਰੀਬ $14,000 ਕੈਸ਼ ਅਤੇ ਕਰੀਬ $48,000 ਦੀ ਰੋਲੈਕਸ ਘੜੀ ਅਤੇ ਅਸਲਾ ਬਰਾਮਦ ਹੋਇਆ।
