21.09C Vancouver 21.09C VancouverSep 25, 2025 2:21 PM - The Canadian Press
ਕੈਨੇਡਾ ਵਿੱਚ ਡਾਰਕ ਵੈੱਬ ਰਾਹੀਂ ਚਲਾਏ ਜਾ ਰਹੇ ਨਸ਼ਾ ਤਸਕਰੀ ਦੇ ਇੱਕ ਬਹੁਤ ਵੱਡੇ ਗਿਰੋਹ ਦਾ ਪਰਦਾਫਾਸ਼ ਹੋਇਆ ਹੈ। ਇਸ ਮਾਮਲੇ ਤਹਿਤ ਆਰ.ਸੀ.ਐਮ.ਪੀ. ਨੇ ਗ੍ਰੇਟਰ ਟੋਰਾਂਟੋ ਏਰੀਏ ਦੇ ਸੱਤ ਸ਼ੱਕੀ ਵਿਅਕਤੀਆਂ 'ਤੇ ਦੋਸ਼ ਲਗਾਏ ਹਨ। ਆਰ.ਸੀ.ਐਮ.ਪੀ. ਨੇ ਇਸ ਸਬੰਧੀ ਵੀਰਵਾਰ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜਰਮਨੀ ਦੇ ਅਧਿਕਾਰੀਆਂ ਨੇ ਕੈਨੇਡਾ ਵਿੱਚ ਚਲਾਏ ਜਾ ਰਹੇ ਡਾਰਕ ਵੈੱਬ ਮਾਰਕੀਟ ਪਲੇਸ 'ਤੇ ਕਾਰਵਾਈ ਕਰਨ ਤੋਂ ਬਾਅਦ ਉਨ੍ਹਾਂ ਨਾਲ ਸੰਪਰਕ ਕੀਤਾ ਗਿਆ ।
ਇਸ ਤੋਂ ਬਾਅਦ ਆਰ.ਸੀ.ਐਮ.ਪੀ.ਨੇ "ਰੋਡਰੁਨਾ" ਵਜੋਂ ਜਾਣੇ ਜਾਂਦੇ ਇੱਕ ਨਸ਼ਾ ਤਸਕਰ ਦੀ ਪਛਾਣ ਕੀਤੀ ਜੋ ਗ੍ਰੇਟਰ ਟੋਰਾਂਟੋ ਏਰੀਏ ਤੋਂ ਡਾਰਕ ਵੈੱਬ ਰਾਹੀਂ ਪੂਰੇ ਕੈਨੇਡਾ ਵਿੱਚ ਨਸ਼ੇ ਦੀ ਤਸਕਰੀ ਕਰਦਾ ਸੀ। ਜਾਣਕਾਰੀ ਅਨੁਸਾਰ ਉਹ ਇੱਕ ਹਫ਼ਤੇ ਵਿੱਚ ਲਗਭਗ 400 ਪੈਕੇਜ ਡਿਲਿਵਰ ਕਰਦਾ ਸੀ।
ਕਈ ਸਰਚ ਵਾਰੰਟਾਂ ਦੇ ਲਾਗੂ ਹੋਣ ਤੋਂ ਬਾਅਦ ਪੁਲਿਸ ਨੇ ਤਲਾਸ਼ੀ ਦੌਰਾਨ ਕੋਕੀਨ, MDMA, ਮੈਥ, ਹੈਰੋਇਨ ਅਤੇ ਕੇਟਾਮਾਈਨ ਸਮੇਤ 75 ਕਿਲੋਗ੍ਰਾਮ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ। ਕੇਂਦਰੀ ਖੇਤਰ ਆਰ.ਸੀ.ਐਮ.ਪੀ ਦੇ ਇੰਸਪੈਕਟਰ ਨਿਕੋਲ ਨੂਨਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਅਧਿਕਾਰੀਆਂ ਦੇ ਸਹਿਯੋਗ ਨਾਲ ਡਾਰਕ ਵੈੱਬ ‘ਤੇ ਚੱਲ ਰਹੀ ਗਤੀਵਿਧੀ ਨੂੰ ਰੋਕਣ ‘ਤੇ ਮਾਣ ਹੈ।
