ਮੇਲਾਨੀ ਜੋਲੀ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਲਈ ਨਹੀਂ ਲੜੇਗੀ ਚੋਣ

ਕੈਨੇਡਾ ਦੇ ਅਗਲੇ ਪੀ. ਐੱਮ.ਅਤੇ ਲਿਬਰਲ ਪਾਰਟੀ ਦਾ ਲੀਡਰ ਬਣਨ ਦੀ ਦੌੜ ਵਿਚ ਵਿਦੇਸ਼ ਮੰਤਰੀ ਮੇਲਾਨੀ ਜੋਲੀ ਸ਼ਾਮਲ ਨਹੀਂ ਹੋਣਗੇ। ਹੁਣ ਤੱਕ ਜੋਲੀ ਨੂੰ ਲਿਬਰਲ ਲੀਡਰਸ਼ਿਪ ਲਈ ਸੰਭਾਵੀ ਉਮੀਦਵਾਰ ਮੰਨਿਆ ਜਾ ਰਿਹਾ ਸੀ। ਮੇਲਾਨੀ ਜੋਲੀ ਲਿਬਰਲ ਕੈਬਨਿਟ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਮੰਤਰੀਆਂ ਵਿਚੋਂ ਇੱਕ ਹਨ, ਤਿੰਨ ਸਾਲ ਪਹਿਲਾਂ ਪੀ. ਐੱਮ. ਟਰੂਡੋ ਨੇ ਉਨ੍ਹਾਂ ਨੂੰ ਵਿਦੇਸ਼ ਮੰਤਰੀ ਨਿਯੁਕਤ ਕੀਤਾ ਸੀ।

ਕੈਬਨਿਟ ਮੰਤਰੀ ਡੌਮਿਨਿਕ ਲੇਬਲਾਂ ਵੀ ਲੀਡਰਸ਼ਿਪ ਚੋਣ ਲੜਨ ਤੋਂ ਕਿਨਾਰ ਕਰ ਚੁੱਕੇ ਹਨ, ਉਥੇ ਹੀ, ਹੁਣ ਤੱਕ ਓਨਟਾਰੀਓ ਤੋਂ ਲਿਬਰਲ ਪਾਰਟੀ ਦੇ ਬੈਕਬੈਂਚ ਐਮਪੀ ਚੰਦਰ ਆਰੀਆ ਨੇ ਲਿਬਰਲ ਲੀਡਰ ਅਤੇ ਪ੍ਰਧਾਨ ਮੰਤਰੀ ਬਣਨ ਲਈ ਚੋਣ ਲੜਨ ਦੀ ਘੋਸ਼ਣਾ ਕੀਤੀ ਹੈ।

ਗੌਰਤਲਬ ਹੈ ਕਿ ਪੀ. ਐੱਮ. ਟਰੂਡੋ ਨੇ ਪਾਰਟੀ ਅੰਦਰ ਲੜਾਈ ਦਾ ਹਵਾਲਾ ਦਿੰਦੇ ਹੋਏ ਸੋਮਵਾਰ ਨੂੰ ਅਹੁਦੇ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ ਸੀ। ਟਰੂਡੋ ਨੇ ਕਿਹਾ ਸੀ ਕਿ ਨਵਾਂ ਲੀਡਰ ਚੁਣੇ ਜਾਣ ਮਗਰੋਂ ਉਹ ਦੋਵੇਂ ਅਹੁਦੇ ਛੱਡ ਦੇਣਗੇ।