21.08C Vancouver 21.08C VancouverJun 23, 2025 7:48 PM - Connect Newsroom
ਨਾਨਾਇਮੋ ਆਰਸੀਐਮਪੀ ਵਲੋਂ ਇੱਕ ਲੋਕਲ ਮਾਲ ਵਿਚ ਹਮਲੇ ਦੀ ਘਟਨਾ ਦੇ ਸਬੰਧ ਵਿਚ ਜਾਂਚ ਕੀਤੀ ਜਾ ਰਹੀ ਹੈ। 16 ਜੂਨ ਨੂੰ ਸ਼ਾਮ ਕਰੀਬ 7.30 ਵਜੇ ਨਾਰਥ ਟਾਊਨ ਸੈਂਟਰ ਮਾਲ ਵਿਚ ਪੁਲਿਸ ਨੂੰ ਇਸ ਹਮਲੇ ਦੀ ਰਿਪੋਰਟ ਮਿਲੀ ਸੀ।
ਆਰਸੀਐਮਪੀ ਮੁਤਾਬਕ, ਇੱਕ ਮਹਿਲਾ ਦਾ ਕੁੱਤਾ ਬਿਨਾਂ ਪਟੇ ਤੋਂ ਸੀ ਜੋ ਇੱਕ ਪੁਰਸ਼ ਅਤੇ ਉਸ ਦੇ ਪਟੇ ਨਾਲ ਬੰਨ੍ਹੇ ਹੋਏ ਕੁੱਤੇ ਵੱਲ ਹਮਲਾਵਰ ਤਰੀਕੇ ਨਾਲ ਦੌੜਿਆ ਤੇ ਪੁਰਸ਼ ਨੇ ਵਿਚ ਬਚਾਅ ਕਰਦੇ ਹੋਏ ਮਹਿਲਾ ਦੇ ਕੁੱਤੇ ਨੂੰ ਲੱਤ ਮਾਰੀ।
ਇਸ ਵਿਚਕਾਰ ਜਦੋਂ ਮਹਿਲਾ ਨੇ ਦਖ਼ਲ ਦਿੱਤਾ ਤਾਂ ਉਸ ਪੁਰਸ਼ ਨੇ ਉਸ ਨੂੰ ਵੀ ਧੱਕਾ ਦੇ ਕੇ ਜ਼ਮੀਨ 'ਤੇ ਸੁੱਟ ਦਿੱਤਾ। ਜਦੋਂ ਉਹ ਖੜ੍ਹੀ ਹੋਈ ਤਾਂ ਵਿਅਕਤੀ ਨੇ ਉਸ ਦੇ ਸਿਰ ਵਿਚ ਸਿਰ ਮਾਰਿਆ, ਜਿਸ ਨਾਲ ਉਹ ਫਿਰ ਡਿੱਗ ਗਈ।
ਪੁਲਿਸ ਹੁਣ ਉਸ ਸ਼ੱਕੀ ਦੀ ਭਾਲ ਕਰ ਰਹੀ ਹੈ, ਜੋ ਕਰੀਬ 35 ਤੋਂ 45 ਸਾਲਾ ਦਾ ਕਾਕੇਸ਼ੀਅਨ ਮਰਦ ਹੈ ਤੇ ਲੋਕਾਂ ਕੋਲੋਂ ਉਸ ਦੀ ਪਛਾਣ ਵਿਚ ਮਦਦ ਮੰਗੀ ਜਾ ਰਹੀ ਹੈ।
