17.15C Vancouver 17.15C VancouverMay 23, 2022 3:51 PM - ANI
ਨਾਸਾ ਨੇ ਚੀਨ 'ਤੇ ਉਸ ਦੀ ਪੁਲਾੜ ਤਕਨੀਕ ਚੋਰੀ ਕਰਨ ਦਾ ਦੋਸ਼ ਲਾਇਆ ਹੈ। ਅਮਰੀਕਾ ਦੀ ਪੁਲਾੜ ਏਜੰਸੀ 'ਨੈਸ਼ਨਲ ਏਰੋਨਾਟਿਕਸ ਐਂਡ ਸਪੇਸ ਐਡਮਿਨਿਸਟ੍ਰੇਸ਼ਨ (ਨਾਸਾ)' ਦਾ ਕਹਿਣਾ ਹੈ ਕਿ ਚੀਨ ਨੇ ਉਸ ਦੇ ਮਿਲਟਰੀ ਸੀਕ੍ਰੇਟਸ ਤੋਂ ਲੈ ਕੇ ਮੈਡੀਕਲ ਰਿਸਰਚ ਤੱਕ ਅਮੈਰੀਕਨ ਟੈਕਨਾਲੋਜੀ ਚੋਰੀ ਕੀਤੀ ਹੈ।
17 ਮਈ ਨੂੰ ਯੂਨਾਈਟਿਡ ਸਟੇਟਸ ਹਾਊਸ ਐਪਰੋਪ੍ਰੀਏਸ਼ਨ ਕਮੇਟੀ ਦੀ ਸੁਣਵਾਈ ਦੌਰਾਨ ਨਾਸਾ ਐਡਮਿਨਸਟ੍ਰੇਟਰ ਬਿਲ ਨੈਲਸਨ ਨੇ ਚੀਨੀ ਕਮਿਊਨਿਸਟ ਪਾਰਟੀ 'ਤੇ ਯੂਨਾਈਟਿਡ ਸਟੇਟਸ ਦੇ ਸਭ ਤੋਂ ਮਹੱਤਵਪੂਰਨ ਤਕਨੀਕੀ ਰਾਜ਼ ਚੋਰੀ ਕਰਨ ਦਾ ਦੋਸ਼ ਲਗਾਇਆ।
ਉਨ੍ਹਾਂ ਇਹ ਬਿਆਨ ਯੂ. ਐੱਸ. ਰਿਪੈਰਜ਼ਟੇਟਿਵ ਐਂਡ ਕਮੇਟੀ ਮੈਂਬਰ ਰੌਬਰਟ ਐਡਰਹੋਲਟ ਵੱਲੋਂ ਉਠਾਏ ਗਏ ਸਵਾਲਾਂ ਦੇ ਜਵਾਬ ਵਿਚ ਦਿੱਤਾ। ਜਿਨ੍ਹਾਂ ਇਹ ਨੋਟ ਕੀਤਾ ਹੈ ਕਿ ਪ੍ਰਾਈਵੇਟ ਅਮਰੀਕੀ ਕੰਪਨੀਆਂ ਤੇ ਚੀਨ ਦੀਆਂ ਸਰਕਾਰੀ ਕੰਪਨੀਆਂ ਵੱਲੋਂ ਵਿਕਸਤ ਕੀਤੇ ਜਾ ਰਹੇ ਸਪੇਸ ਵ੍ਹੀਕਲਸ ਵਿਚ ਸਮਾਨਤਾਵਾਂ ਹਨ। ਉੱਥੇ ਹੀ, ਚੀਨ ਦੇ ਏਅਰੋਸਪੇਸ ਮਾਹਰਾਂ ਨੇ ਨਾਸਾ ਦੇ ਦਾਅਵਿਆਂ ਨੂੰ ਨਕਾਰਦੇ ਹੋਏ ਕਿਹਾ ਕਿ ਚੀਨ ਨੇ ਵੱਡੀਆਂ ਰੁਕਾਵਟਾਂ ਦੇ ਬਾਵਜੂਦ ਸਪੇਸ ਵਿਚ ਅਮਰੀਕਾ ਤੋਂ ਵੱਧ ਉਪਲਬਧੀਆਂ ਹਾਸਲ ਕੀਤੀਆਂ ਹਨ।
