20.02C Vancouver 20.02C VancouverDec 28, 2020 11:11 PM -
ਨੈਸ਼ਵਿਲ 'ਚ ਕ੍ਰਿਸਮਸ ਦੇ ਦਿਨ ਧਮਾਕਾ ਕਰਨ ਵਾਲੇ ਵਿਅਕਤੀ ਨੇ ਆਪਣੇ ਇੱਕ ਗੁਆਂਢੀ ਨੂੰ ਕੁਝ ਦਿਨ ਪਹਿਲਾਂ ਕਿਹਾ ਸੀ, "ਨੈਸ਼ਵਿਲ ਅਤੇ ਇਹ ਦੁਨੀਆ, ਮੈਨੂੰ ਕਦੀ ਭੁੱਲ ਨਹੀਂ ਸਕੇਗੀ।"
ਅਧਿਕਾਰੀਆਂ ਨੇ ਧਮਾਕੇ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀ ਦੀ ਪਛਾਣ ਕਰ ਲਈ ਹੈ।
63 ਸਾਲਾ ਐਂਥਨੀ ਕਵਿਨ ਵਾਰਨਰ ਨੂੰ ਇਸ ਗੁੰਝਲਦਾਰ ਧਮਾਕੇ ਦਾ ਦੋਸ਼ੀ ਦੱਸਿਆ ਹੈ।
ਧਮਾਕੇ ਦੌਰਾਨ ਇਸ ਵਿਅਕਤੀ ਦੀ ਮੌਤ ਹੋ ਗਈ ਸੀ, ਪਰ ਧਮਾਕੇ ਪਿੱਛੇ ਦਾ ਮੋਟਿਵ ਸਪਸ਼ਟ ਨਹੀਂ ਹੋਇਆ ਹੈ।
ਟੈਨੈਸੀ ਬਿਊਰੋ ਦੇ ਡੇਵਿਡ ਰੌਸ਼ ਦਾ ਕਹਿਣਾ ਹੈ ਕਿ ਮਾਮਲੇ ਨਾਲ ਸੰਬੰਧਤ ਦਰਜਨਾਂ ਟਿਪਸ ਹਾਸਿਲ ਹੋਈਆਂ ਹਨ।
ਅਮਰੀਕੀ ਫੈਡਰਲ ਅਧਿਕਾਰੀ ਜਾਂਚ 'ਚ ਜੁਟੇ ਹਨ ਕਿ ਕ੍ਰਿਸਮਸ ਦੇ ਦਿਨ ਹੋਏ ਧਮਾਕੇ ਨਾਲ ਜੁੜੇ ਸਬੂਤ ਜੁਟਾਏ ਜਾ ਸਕਣ।
ਇਸ ਧਮਾਕੇ 'ਚ 3 ਲੋਕ ਜ਼ਖਮੀ ਹੋਏ ਸਨ ਅਤੇ ਨੈਸ਼ਵਿਲ ਦੀਆਂ ਦਰਜਨਾਂ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਸੀ।
ਇਸ ਧਮਾਕੇ ਦੇ ਪਿੱਛੇ ਦੀ ਵਜ੍ਹਾ ਦੀ ਭਾਲ ਦਾ ਅੰਤ ਨਹੀਂ ਹੋਇਆ ਹੈ।
