14.96C Vancouver 14.96C VancouverJun 5, 2020 2:40 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਜਿੱਥੇ ਜਨਤਕ ਸਿਹਤ ਪਾਬੰਦੀਆਂ ਨੂੰ ਘਟਾਉਣ ਅਤੇ ਵਪਾਰਾਂ ਦੇ ਦੁਬਾਰਾ ਖੁੱਲ੍ਹਣ ਨਾਲ ਮਈ ਵਿੱਚ 289,600 ਨਵੀਆਂ ਨੌਕਰੀਆਂ ਸ਼ਾਮਿਲ ਕੀਤੀਆਂ ਗਈਆਂ, ਉੱਥੇ ਹੀ ਬੇਰੁਜ਼ਗਾਰੀ ਦੀ ਦਰ ਨੇ ਨਵੇਂ ਰਿਕਾਰਡ ਕਾਇਮ ਕੀਤੇ।
ਬੇਰੁਜ਼ਗਾਰੀ ਦੀ ਦਰ 13.7 ਫੀਸਦੀ ਰਹੀ ਜੋ ਕਿ ਚਾਰ ਦਹਾਕੇ ਪਹਿਲਾਂ ਰਿਕਾਰਡ ਕੀਤੀ ਦਸੰਬਰ 1982 ਦੀ 13.1 ਫੀਸਦੀ ਦਰ ਤੋਂ ਵੀ ਵੱਧ ਸੀ।
ਨਵੀਆਂ ਨੌਕਰੀਆਂ ਦੇ ਬਾਵਜੂਦ ਬੇਰੁਜ਼ਗਾਰੀ ਦੀ ਦਰ ਵਿੱਚ ਵਾਧਾ ਦੇਖਣ ਨੂੰ ਮਿਲਿਆ ਕਿਉਂਕਿ ਅਰਥਵਿਵਸਥਾ ਨੂੰ ਹੌਲੀ-ਹੌਲੀ ਖੋਲ੍ਹੇ ਜਾਣ ਪਿੱਛੋਂ, ਹੁਣ ਵੱਡੀ ਗਿਣਤੀ ਵਿੱਚ ਲੋਕ ਨੌਕਰੀਆਂ ਦੀ ਭਾਲ ਦੀ ਸ਼ੁਰੂਆਤ ਕਰ ਰਹੇ ਹਨ।
ਫਾਈਨੈਂਸ਼ਲ ਮਾਰਕੀਟ ਫਰਮ ਰੈਫੀਨਿੱਟਵ ਮੁਤਾਬਕ ਅਰਥਸ਼ਾਸਤਰੀਆਂ ਨੇ ਮਈ ਵਿੱਚ 500,000 ਲੋਕਾਂ ਦੇ ਨੌਕਰੀਆਂ ਗਵਾ ਲੈਣ ਅਤੇ ਬੇਰੁਜ਼ਗਾਰੀ ਦੀ ਦਰ 15.0 ਫੀਸਦੀ ਹੋਣ ਦਾ ਅੰਦਾਜ਼ਾ ਲਾਇਆ ਸੀ।
ਮਾਰਚ ਅਤੇ ਅਪ੍ਰੈਲ ਵਿੱਚ 3 ਮਿਲਿਅਨ ਲੋਕਾਂ ਦੀਆਂ ਨੌਕਰੀਆਂ ਗਈਆਂ ਅਤੇ 2.5 ਮਿਲੀਅਨ ਵਿਅਕਤੀਆਂ ਨੇ ਆਪਣੇ ਆਮ ਨਾਲੋਂ ਅੱਧੇ ਘੰਟਿਆਂ ਲਈ ਕੰਮ ਕੀਤਾ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਮਈ ਵਿੱਚ ਜਿਹੜੇ ਵਿਅਕਤੀਆਂ ਨੇ ਆਪਣੇ ਆਮ ਨਾਲੋਂ ਅੱਧੇ ਘੰਟਿਆਂ ਲਈ ਕੰਮ ਕੀਤਾ, ਉਹਨਾਂ ਦੀ ਗਿਣਤੀ ਵਿੱਚ 292,000 ਦੀ ਗਿਰਾਵਟ ਆਈ ਦੇਖੀ ਗਈ।
