15.68C Vancouver 15.68C VancouverFeb 25, 2022 8:27 PM - The Canadian Press
ਨੈਟੋ ਦੇ ਸੈਕਰੇਟਰੀ ਜਨਰਲ, ਜੈਨਸ ਸਟੌਲਟਨਬਰਗ ਦਾ ਕਹਿਣਾ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਅਤੇ ਉਨ੍ਹਾਂ ਦੇ ਕਾਊਂਟਰਪਾਰਟਸ ਯਾਨੀ ਕਿ ਹੋਰ ਦੇਸ਼ਾਂ ਦੇ ਹਮਰੁਤਬਾ ਲੀਡਰਾਂ ਨੇ ਰੂਸ ਦੇ ਯੂਕਰੇਨ 'ਤੇ ਹਮਲੇ ਵਿਚਾਲੇ ਪੂਰਬੀ ਸਾਥੀਆਂ ਦੇ ਸਹਿਯੋਗ ਲਈ ਸੰਗਠਨ ਦੀ ਰਿਸਪਾਂਸ ਫੋਰਸ ਨੂੰ ਭੇਜਣ ਦਾ ਫੈਸਲਾ ਲਿਆ ਹੈ।
ਉਨ੍ਹਾਂ ਇਹ ਬਿਆਨ ਇੱਕ ਬੈਠਕ ਤੋਂ ਬਾਅਦ ਦਿੱਤਾ ਜਿਸ 'ਚ ਅਮਰੀਕੀ ਰਾਸ਼ਟਰਪਤੀ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੀ ਸ਼ਾਮਿਲ ਸਨ।
ਬ੍ਰਸਲਸ ਵਿੱਚ ਨੈਟੋ ਸਮਿਟ ਨੂੰ ਚੇਅਰ ਕਰਨ ਤੋਂ ਬਾਅਦ ਗੱਲਬਾਤ ਕਰਦੇ ਹੋਏ ਸਟੌਲਟਨਬਰਗ ਨੇ ਕਿਹਾ ਕਿ ਅੱਜ ਲੀਡਰਾਂ ਨੇ ਫੈਸਲਾ ਲਿਆ ਹੈ ਕਿ ਨੈਟੋ ਰਿਸਪਾਂਸ ਫੋਰਸ ਨੂੰ ਜਲਦੀ ਤੋਂ ਜਲਦੀ ਭੇਜਿਆ ਜਾਵੇਗਾ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਕਿੰਨੀ ਗਿਣਤੀ 'ਚ ਫੌਜ ਨੂੰ ਭੇਜਿਆ ਜਾਵੇਗਾ।
ਪਰ ਜਾਣਕਾਰੀ ਦਿੱਤੀ ਗਈ ਕਿ ਜਲ, ਥਲ ਅਤੇ ਹਵਾਈ ਸੇਨਾ ਪਹੁੰਚਾਈ ਜਾਵੇਗੀ।
ਐਨ.ਆਰ.ਐਫ. ਦੀ ਗਿਣਤੀ 40,000 ਤਕ ਦੀ ਹੋ ਸਕਦੀ ਹੈ ਪਰ ਸਟੌਲਟਨਬਰਗ ਦਾ ਕਹਿਣਾ ਹੈ ਕਿ ਸਾਰੀ ਫੌਜ ਨੂੰ ਡਿਪਲਾਏ ਨਹੀਂ ਕੀਤਾ ਜਾਵੇਗਾ।
