17.33C Vancouver 17.33C VancouverJan 15, 2024 3:15 PM - The Associated Press
ਚਾਈਨਾ ਦੇ ਦਬਦਬੇ ਨੂੰ ਦੇਖਦੇ ਹੋਏ ਤਾਈਵਾਨ ਦੇ ਆਖਰੀ ਕੂਟਨੀਤਿਕ ਸਹਿਯੋਗੀਆਂ ਵਿਚੋਂ ਇੱਕ ਨਾਉਰੂ ਨੇ ਵੀ ਬੀਜਿੰਗ ਦੇ ਹੱਕ ਵਿਚ ਉਸ ਨਾਲ ਸਬੰਧ ਤੋੜ ਦਿੱਤੇ ਹਨ।
ਨਾਉਰੂ ਇੱਕ ਛੋਟਾ ਟਾਪੂ ਹੈ ਅਤੇ ਇਹ ਹੁਣ ਤੱਕ ਉਨ੍ਹਾਂ 12 ਦੇਸ਼ਾਂ ਵਿਚੋਂ ਇੱਕ ਸੀ ਜਿਨ੍ਹਾਂ ਨੇ ਤਾਈਵਾਨ ਨਾਲ ਕੂਟਨੀਤਕ ਸਬੰਧ ਬਣਾਏ ਹੋਏ ਸਨ ਪਰ ਹਾਲ ਹੀ ਦੇ ਸਾਲਾਂ ਵਿਚ ਬੀਜਿੰਗ ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਤਾਈਵਾਨ ਚੀਨ ਦਾ ਹਿੱਸਾ ਹੈ ਅਤੇ ਇਸ ਵਿਚ ਕੋਈ ਵੀ ਬਾਹਰੀ ਦਖਲਅੰਦਾਜ਼ੀ ਉਸ ਨੂੰ ਸਵੀਕਾਰ ਨਹੀਂ ਹੋਵੇਗੀ। ਦਰਅਸਲ, ਤਾਈਵਾਨ ਦੇ ਤਾਜ਼ਾ ਚੋਣ ਨਤੀਜਿਆਂ ਨੇ ਚਾਈਨਾ ਦੇ ਗੁੱਸੇ ਨੂੰ ਭੜਕਾਇਆ ਹੈ।
ਵੋਟਰਾਂ ਨੇ ਇਨ੍ਹਾਂ ਇਲੈਕਸ਼ਨਸ ਵਿਚ ਆਜ਼ਾਦ ਲੋਕਤੰਤਰ ਦਾ ਸਮਰਥਨ ਕਰਨ ਵਾਲੇ ਉਮੀਦਵਾਰ ਵਿਲੀਅਮ ਲਾਈ ਨੂੰ ਆਪਣਾ ਅਗਲਾ ਰਾਸ਼ਟਰਪਤੀ ਚੁਣਿਆ ਹੈ, ਜਿਸ ਨੇ ਬੀਜਿੰਗ ਦੀ ਚਿੰਤਾ ਵਧਾਈ ਹੈ।
ਤਾਈਵਾਨ ਦੇ ਉੱਪ ਵਿਦੇਸ਼ ਮੰਤਰੀ ਨੇ ਸੋਮਵਾਰ ਨੂੰ ਇੱਕ ਮੀਡੀਆ ਕਾਨਫ਼ਰੰਸ ਵਿਚ ਦੋਸ਼ ਲਗਾਇਆ ਕਿ ਚਾਈਨਾ ਨੇ ਵਿੱਤੀ ਸਹਾਇਤਾ ਦੇ ਬਲ ’ਤੇ ਨਾਉਰੂ ਨੂੰ ਤਾਈਵਾਨ ਦੀ ਸਪੋਰਟ ਤੋਂ ਪਲਟਿਆ ਹੈ। ਉਨ੍ਹਾਂ ਕਿਹਾ ਕਿ ਚਾਈਨਾ ਸੋਚਦਾ ਹੈ ਕਿ ਉਹ ਅਜਿਹੇ ਤਰੀਕਿਆਂ ਨਾਲ ਤਾਈਵਾਨ ਨੂੰ ਦਬਾ ਸਕਦਾ ਹੈ ਪਰ ਉਹ ਇਸ ਗਲਤਫਿਹਮੀ ਵਿਚ ਹੈ।
