ਨਵਨੀਤ ਚਤੁਰਵੇਦੀ ਨੂੰ ਪੰਜਾਬ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ

ਨੌਰਥ ਵੈਨਕੂਵਰ ਆਰਸੀਐਮਪੀ ਨੇ ਲਿਨ ਵੈਲੀ ਇਲਾਕੇ ਵਿਚ ਵੀਕੈਂਡ 'ਤੇ ਵਾਹਨਾਂ ਦੇ ਟਾਇਰਾਂ ਨੂੰ ਕੱਟਣ ਦੇ ਮਾਮਲੇ ਵਿਚ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ 25 ਅਤੇ 26 ਅਕਤੂਬਰ ਵਿਚਕਾਰ ਟਾਇਰ ਕੱਟਣ ਦੀਆਂ 16 ਰਿਪੋਰਟਸ ਮਿਲੀਆਂ ਸਨ, ਜਿਨ੍ਹਾਂ ਵਿਚ ਵਾਹਨਾਂ ਦੇ ਟਾਇਰ ਕੱਟੇ ਜਾਂ ਤਿੱਖੀ ਚੀਜ਼ ਨਾਲ ਛੇਦੇ ਗਏ ਸਨ।

ਮੈਟਰੋ ਵੈਨਕੂਵਰ ਕ੍ਰਾਈਮ ਸਟਾਪਰਜ਼ ਨੇ ਹੈਲੋਵੀਨ ਮੌਕੇ ਡੈਲਟਾ ਦੇ 26 ਸਾਲਾ ਗੁਰਕੀਰਤ ਸਿੰਘ ਸਮੇਤ ਪੰਜ ਵਾਟੇਂਡ ਮੁਲਜ਼ਮਾਂ ਨੂੰ ਲੱਭਣ ਵਿਚ ਮਦਦ ਲਈ ਬੀ. ਸੀ. ਵਾਸੀਆਂ ਤੋਂ ਸਹਿਯੋਗ ਮੰਗਿਆ ਹੈ। ਸਿਟੀ ਕੌਂਸਲਰ ਅਤੇ ਮੈਟਰੋ ਵੈਨਕੂਵਰ ਕ੍ਰਾਈਮ ਸਟੌਪਰਸ ਲਈ ਕਾਰਜਕਾਰੀ ਨਿਰਦੇਸ਼ਕ ਲਿੰਡਾ ਐਨਿਸ ਨੇ ਅੱਜ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ ਕਿ ਇਸ ਲਿਸਟ ਵਿਚ ਉਹ ਦੋ ਸ਼ੱਕੀ ਵੀ ਸ਼ਾਮਲ ਹਨ ਜੋ ਵੈਨਕੂਵਰ ਵਿਚ ਵੱਡੇ ਨਸ਼ਾ ਤਸਕਰੀ ਮਾਮਲੇ ਵਿਚ ਗ੍ਰਿਫ਼ਤਾਰੀ ਤੋਂ ਬਾਅਦ ਫਰਾਰ ਹਨ।

ਕੈਨੇਡਾ ਪੋਸਟ ਅਤੇ ਡਾਕ ਕਰਮਚਾਰੀਆਂ ਦੀ ਯੂਨੀਅਨ ਇਸ ਹਫ਼ਤੇ ਦੇ ਅੰਤ ਵਿਚ ਮੀਡੀਏਟਰ ਰਾਹੀਂ ਦੁਬਾਰਾ ਗੱਲਬਾਤ ਲਈ ਮਿਲਣਗੇ, ਇਹ ਉਦੋਂ ਹੈ ਜਦੋਂ ਪੋਸਟਲ ਵਰਕਰ ਦੀ ਰੋਟੇਟਿੰਗ ਹੜਤਾਲ ਜਾਰੀ ਹੈ, ਸੀ.ਯੂ.ਪੀ.ਡਬਲਿਊ. ਵਲੋਂ 25 ਸਤੰਬਰ ਨੂੰ ਹੜਤਾਲ ਸ਼ੁਰੂ ਕੀਤੀ ਗਈ ਸੀ, ਜਿਸ ਨੂੰ ਬਾਅਦ ਵਿਚ 11 ਅਕਤੂਬਰ ਨੂੰ ਰੋਟੇਟਿੰਗ ਹੜਤਾਲ ਵਿਚ ਬਦਲ ਦਿੱਤਾ ਗਿਆ ਸੀ।

ਬੀ. ਸੀ. ਵਿਚ ਕਈ ਪੋਲਟਰੀ ਫਾਰਮਾਂ ਵਿਚ H5N1 ਏਵੀਅਨ ਫਲੂ ਦੇ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। ਬਰਡ ਫਲੂ ਦੇ ਕੇਸਾਂ ਵਿਚ ਵਾਧੇ ਦਾ ਕਾਰਨ ਜੰਗਲੀ ਪੰਛੀਆਂ ਦੇ ਪਰਵਾਸ ਦਾ ਸਮਾਂ ਹੈ, ਜਿਨ੍ਹਾਂ ਨਾਲ ਵਾਇਰਸ ਦੇ ਫੈਲਣ ਦਾ ਖ਼ਦਸ਼ਾ ਹੁੰਦਾ ਹੈ। ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਮੁਤਾਬਕ, ਪਿਛਲੇ ਦੋ ਹਫ਼ਤਿਆਂ ਵਿਚ ਪੁਸ਼ਟੀ ਹੋਏ ਸਾਰੇ ਮਾਮਲੇ ਫਰੇਜ਼ਰ ਵੈਲੀ ਦੇ ਨੌਂ ਵਪਾਰਕ ਪੋਲਟਰੀ ਫਾਰਮਾਂ ਵਿਚ ਸਾਹਮਣੇ ਆਏ ਹਨ, ਜਿਨ੍ਹਾਂ ਵਿਚੋਂ ਛੇ ਚਿਲੀਵੈਕ ਖੇਤਰ ਵਿਚ ਅਤੇ ਤਿੰਨ ਐਬਟਸਫੋਰਡ ਵਿਚ ਹਨ।

ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਮੂਡੀ ਪਾਰਕ ਵਿਚ ਲੰਘੇ ਐਤਵਾਰ 16 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਨਾਲ ਹੋਈ ਲੁੱਟ-ਖੋਹ ਦੇ ਸਬੰਧ ਵਿਚ ਦੋ ਨੌਜਵਾਨਾਂ ਨੂੰ ਗ੍ਰਿਫ਼ਤਾਰ ਕੀਤਾ।ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ 26 ਅਕਤੂਬਰ ਨੂੰ ਲਗਭਗ ਸ਼ਾਮ 5:30 ਵਜੇ ਬੱਚੇ ਦੇ ਮਾਪਿਆਂ ਵਲੋਂ ਸੂਚਿਤ ਕੀਤਾ ਗਿਆ ਕਿ ਉਨ੍ਹਾਂ ਦਾ ਬੱਚਾ ਮੂਡੀ ਪਾਰਕ ਵਿਚ ਲੁੱਟ-ਖੋਹ ਦਾ ਸ਼ਿਕਾਰ ਹੋਇਆ ਹੈ।