20.38C Vancouver 20.38C VancouverOct 23, 2020 12:25 AM -
ਰਾਇਲ ਕਨੇਡੀਅਨ ਨੇਵੀ ਦਾ ਕਹਿਣਾ ਹੈ ਕਿ ਇੱਕ $400 ਮਿਲੀਅਨ ਦੇ ਆਰਕਟਿਕ ਪੈਟਰੋਲ ਸਮੁੰਦਰੀ ਜਹਾਜ਼ ਦੇ ਬ੍ਰੇਕ-ਡਾਊਨ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
ਇਸ 'ਚ ਪਹਿਲੀ ਵਾਰ ਦਿੱਕਤ ਦਾ ਸਾਹਮਣਾ ਬੀਤੇ ਹਫ਼ਤੇ ਕਰਨਾ ਪਿਆ ਸੀ, ਜਦ ਐਚ.ਐਮ.ਸੀ.ਐਸ. ਹੈਰੀ ਡੇਵੌਲਫ ਦਾ ਕਰਿਊ, ਹੈਲੀਫੈਕਸ ਦੇ ਤਟਾਂ ਤੋਂ ਕੁਝ ਦੂਰੀ 'ਤੇ ਅਭਿਆਸ ਕਰ ਰਿਹਾ ਸੀ।
ਇਸ ਵੈੱਸਲ ਨੂੰ ਕਰੀਬ ਢਾਈ ਮਹੀਨੇ ਪਹਿਲਾਂ, ਇਰਵਿੰਗ ਸ਼ਿਪਬਿਲਡਿੰਗ ਵੱਲੋਂ ਨੇਵੀ ਨੂੰ ਸੌਂਪਿਆ ਗਿਆ ਸੀ।
ਕਨੇਡੀਅਨ ਫਲੀਟ ਐਟਲਾਂਟਿਕ ਦੇ ਕਮਾਂਡਰ, ਕੋਮੋਡੋਰ ਰਿਚਰਡ ਫੈਲਥਮ ਦਾ ਕਹਿਣਾ ਸੀ ਕਿ ਸਮੁੰਦਰੀ ਜਹਾਜ਼ ਨੂੰ ਮਜਬੂਰਨ ਉਸ ਵੇਲੇ ਮੁੜਨਾ ਪਿਆ ਸੀ, ਜਦ ਉਸ ਦਾ ਫ੍ਰੈਸ਼-ਵਾਟਰ ਜਨਰੇਟਰ ਅਤੇ ਕਮਿਊਨੀਕੇਸ਼ਨ ਸਿਸਟਮ ਕੰਮ ਕਰਨਾ ਬੰਦ ਕਰ ਗਿਆ ਸੀ।
ਬਾਅਦ ਵਿੱਚ ਪਤਾ ਲੱਗਿਆ ਕਿ ਸਮੁੰਦਰੀ ਜਹਾਜ਼ ਦੇ 4 ਡੀਜ਼ਲ ਜਨਰੇਟਰਾਂ ਦੇ 2 ਕੂਲਿੰਗ ਪੰਪ ਟੁੱਟ ਗਏ ਸਨ।
ਸਮੁੰਦਰੀ ਜਹਾਜ਼ ਦੀ ਮੁਰੰਮਤ ਕਰ ਲਈ ਗਈ, ਪਰ ਨੇਵੀ ਜਾਂਚ ਕਰ ਰਹੀ ਹੈ ਕਿ ਕੋਈ ਵੱਡੀ ਖਰਾਬੀ ਨਾ ਹੋਵੇ ਜੋ ਕਿ ਅੱਗੇ ਪ੍ਰੇਸ਼ਾਨੀ ਦਵੇ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਹੈਰਾਨ ਦੀ ਗੱਲ ਹੈ ਕਿ ਅਜਿਹੀ ਦਿੱਕਤ ਬਾਰੇ ਪਹਿਲਾਂ ਪਤਾ ਨਹੀਂ ਚੱਲਿਆ, ਅਤੇ ਭਵਿੱਖ 'ਚ ਇਸ ਦੇ ਬਚਾਅ ਲਈ ਮੌਜੂਦਾ ਖਰਾਬੀ ਦਾ ਪਤਾ ਲੱਗਣਾ ਅਹਿਮ ਦੱਸਿਆ ਗਿਆ।
