11.82C Vancouver 11.82C VancouverJan 23, 2024 2:51 PM - The Canadian Press
ਕੈਨੇਡਾ ਦੀ ਪਾਰਲੀਮੈਂਟ ਸੀਟਿੰਗ ਅਗਲੇ ਹਫ਼ਤੇ ਸ਼ੁਰੂ ਹੋਣ ਤੋਂ ਪਹਿਲਾਂ ਫੈਡਰਲ ਐਨ.ਡੀ.ਪੀ. ਦੀ ਤਿੰਨ ਦਿਨਾਂ ਬੈਠਕ ਜਗਮੀਤ ਸਿੰਘ ਦੀ ਅਗਵਾਈ ਵਿਚ ਐਡਮਿੰਟਨ ਵਿਚ ਹੋ ਰਹੀ ਹੈ।
ਇਸ ਬੈਠਕ ਵਿਚ ਪਾਰਟੀ ਸਿਹਤ ਸੰਭਾਲ ਅਤੇ ਸਮਰੱਥਾ ਵਰਗੇ ਮੁੱਖ ਮੁੱਦਿਆਂ ਦੇ ਨਾਲ-ਨਾਲ ਅਗਲੇ ਇਲੈਕਸ਼ਨਸ ਲਈ ਰਣਨੀਤੀ’ਤੇ ਚਰਚਾ ਕਰੇਗੀ। ਜਗਮੀਤ ਸਿੰਘ ਦੀ ਚੀਫ ਆਫ ਸਟਾਫ ਜੈਨੀਫਰ ਹਾਵਰਡ ਨੇ ਦੱਸਿਆ ਕਿ ਐੱਨ. ਡੀ. ਪੀ. ਇਸ ਬੈਠਕ ਵਿਚ ਘੱਟ ਗਿਣਤੀ ਲਿਬਰਲ ਸਰਕਾਰ ਨਾਲ ਆਪਣੇ ਭਰੋਸੇ ਅਤੇ ਸਪਲਾਈ ਸਮਝੌਤਾ ’ਤੇ ਵੀ ਚਰਚਾ ਕਰਨ ਵਾਲੀ ਹੈ।
ਐਨ.ਡੀ.ਪੀ. ਨੇ ਇਸ ਡੀਲ ਤਹਿਤ ਕੁਝ ਖਾਸ ਸ਼ਰਤਾਂ ਨਾਲ ਲਿਬਰਲ ਨੂੰ 2025 ਤੱਕ ਸਮਰਥਨ ਦੇਣ ਦਾ ਸਮਝੌਤਾ ਕੀਤਾ ਸੀ। ਇਨ੍ਹਾਂ ਵਿਚ ਦੰਦਾਂ ਦੀ ਦੇਖਭਾਲ ਪ੍ਰੋਗਰਾਮ, ਜੀ.ਐਸ.ਟੀ. ਛੋਟ ਨੂੰ ਦੁੱਗਣਾ ਕਰਨ ਵਰਗੇ ਮੁੱਦੇ ਸ਼ਾਮਲ ਸਨ, ਜੋ ਸਮਝੌਤਾ ਕੀਤੇ ਜਾਣ ਤੋਂ ਬਾਅਦ ਲਗਭਗ ਦੋ ਸਾਲਾਂ ਵਿਚ ਪ੍ਰਾਪਤ ਕਰ ਲਏ ਗਏ ਹਨ।
ਹਾਵਰਡ ਦਾ ਕਹਿਣਾ ਹੈ ਕਿ ਐੱਨ. ਡੀ. ਪੀ. ਹੁਣ ਇਹ ਦੇਖ ਰਹੀ ਹੈ ਕਿ ਇਸ ਸਮਝੌਤੇ ਤੋਂ ਹੋਰ ਕੀ ਹਾਸਲ ਕੀਤਾ ਜਾ ਸਕਦਾ ਹੈ।
ਗੌਰਤਲਬ ਹੈ ਕਿ ਐਨ.ਡੀ.ਪੀ. ਵਲੋਂ ਐਡਮਿੰਟਨ ਨੂੰ ਚੁਣਨ ਦੀ ਖਾਸ ਵਜ੍ਹਾ ਹੈ, ਪਾਰਟੀ ਦੇ ਮੌਜੂਦਾ ਸਮੇਂ ਸ਼ਹਿਰ ਅਤੇ ਸੂਬੇ ਵਿਚ ਦੋ ਐਮ.ਪੀ. ਹਨ। ਇਸ ਲਈ ਪਾਰਟੀ ਅਲਬਰਟਾ ਵਿਚ ਆਪਣਾ ਸਮਰਥਨ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਬੀਤੇ ਕੱਲ੍ਹ ਜਗਮੀਤ ਸਿੰਘ ਐਡਮਿੰਟਨ ਸੈਂਟਰ ਤੋਂ ਪਾਰਟੀ ਦੀ ਉਮੀਦਵਾਰ ਤ੍ਰਿਸ਼ਾ ਐਸਟਾਬਰੂਕਸ ਦੇ ਘਰ ਪਹੁੰਚੇ, ਜਿੱਥੇ ਐਨ.ਡੀ.ਪੀ. ਲਿਬਰਲ ਕੈਬਨਿਟ ਮੰਤਰੀ ਰੈਂਡੀ ਬੋਇਸਨੌਲਟ ਨੂੰ ਹਰਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
