14.95C Vancouver 14.95C VancouverDec 20, 2024 6:34 PM - Connect Newsroom
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਲਈ ਵੱਡਾ ਝਟਕਾ ਹੈ, ਐੱਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਸਰਕਾਰ ਨੂੰ ਡੇਗਣ ਦਾ ਐਲਾਨ ਕਰ ਦਿੱਤਾ ਹੈ। ਉਨ੍ਹਾਂ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ ਹਾਊਸ ਆਫ ਕਾਮਨ ਦੀ ਅਗਲੀ ਸੀਟਿੰਗ ਵਿਚ ਟਰੂਡੋ ਸਰਕਾਰ ਖਿਲਾਫ ਅਵਿਸ਼ਵਾਸ ਮੋਸ਼ਨ ਪੇਸ਼ ਕਰਨਗੇ, ਹਾਊਸ ਆਫ ਕਾਮਨ ਮੌਜੂਦਾ ਸਮੇਂ ਬ੍ਰੇਕ ’ਤੇ ਹੈ, ਇਸ ਦੀ ਵਾਪਸੀ 27 ਜਨਵਰੀ 2025 ਨੂੰ ਹੋਣੀ ਹੈ।
ਜਗਮੀਤ ਸਿੰਘ ਜੋ ਪਿਛਲੇ ਕਈ ਮਹੀਨਿਆਂ ਤੋਂ ਟਰੂਡੋ ਸਰਕਾਰ ਨੂੰ ਬਚਾ ਰਹੇ ਸਨ, ਉਨ੍ਹਾਂ ਅੱਜ ਕਿਹਾ ਕਿ ਲਿਬਰਲਸ ਹੁਣ ਦੁਬਾਰਾ ਸੱਤਾ ਵਿਚ ਆਉਣ ਦੇ ਹੱਕਦਾਰ ਨਹੀਂ ਹਨ ਅਤੇ ਹੁਣ ਇਹ ਮੈਟਰ ਨਹੀਂ ਕਰਦਾ ਕਿ ਲਿਬਰਲ ਪਾਰਟੀ ਨੂੰ ਕੌਣ ਲੀਡ ਕਰ ਰਿਹਾ, ਇਸ ਸਰਕਾਰ ਦਾ ਸਮਾਂ ਖ਼ਤਮ ਹੋ ਗਿਆ ਹੈ।
ਜਗਮੀਤ ਸਿੰਘ ਨੇ ਕਿਹਾ ਕਿ ਐੱਨ.ਡੀ.ਪੀ. ਹੁਣ ਕੈਨੇਡੀਅਨ ਨੂੰ ਇੱਕ ਅਜਿਹੀ ਸਰਕਾਰ ਲਈ ਚੁਣਨ ਦਾ ਮੌਕਾ ਦੇਵੇਗੀ ਜੋ ਉਨ੍ਹਾਂ ਲਈ ਕੰਮ ਕਰੇ।
ਇਸ ਦੌਰਾਨ ਉਨ੍ਹਾਂ ਲਿਬਰਲਸ ਨੂੰ ਮੁਕਾਬਲੇ ਤੋਂ ਬਾਹਰ ਦੱਸਿਆ ਅਤੇ ਕਿਹਾ ਕਿ ਅਗਲੀ ਲੜਾਈ ਵੱਡੀ ਹੈ, ਜੋ ਪੀਅਰ ਪੌਲੀਐਵ ਅਤੇ ਉਸ ਕੰਜ਼ਰਵੇਟਿਵ ਪਾਰਟੀ ਨਾਲ ਹੋਵੇਗੀ, ਜੋ ਲੋਕਾਂ ਲਈ ਸਹੂਲਤਾਂ ਵਿਚ ਕਮੀ ਕਰਨਾ ਚਾਹੁੰਦੇ ਹਨ।
