11.37C Vancouver 11.37C VancouverMar 6, 2024 5:09 PM - The Canadian Press
ਪੀ.ਐੱਮ. ਜੇ.ਟੀ. ਦੀ ਘੱਟ ਗਿਣਤੀ ਸਰਕਾਰ ਨੂੰ ਸਮਰਥਨ ਦੇ ਰਹੀ ਜਗਮੀਤ ਸਿੰਘ ਦੀ ਨਿਊ ਡੈਮੋਕਰੇਟਸ ਪਾਰਟੀ ਨੇ ਆਉਣ ਵਾਲੇ ਬਜਟ ਵਿਚ ਨੈਸ਼ਨਲ ਸਕੂਲ ਫੂਡ ਪ੍ਰੋਗਰਾਮ ਨੂੰ ਸ਼ਾਮਲ ਕਰਨ ਦੀ ਮੰਗ ਕੀਤੀ ਹੈ।
ਐੱਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਉਹ ਇਸ ਬਾਰੇ ਲਿਬਰਲ ਨਾਲ ਪਹਿਲਾਂ ਹੀ ਗੱਲ ਕਰ ਰਹੀ ਹੈ ਅਤੇ ਸਰਕਾਰ ਇਸ ’ਤੇ ਵਿਚਾਰ ਲਈ ਤਿਆਰ ਹੈ। ਟਰੂਡੋ ਸਰਕਾਰ ਨੇ 2022 ਵਿਚ ਨੈਸ਼ਨਲ ਸਕੂਲ ਫੂਡ ਪਾਲਿਸੀ ਬਾਰੇ ਅਧਿਆਪਕ, ਮਾਤਾ-ਪਿਤਾ ਅਤੇ ਬੱਚਿਆਂ ਨਾਲ ਵਾਰਤਾ ਸ਼ੁਰੂ ਕੀਤੀ ਸੀ। ਉਸ ਸਮੇਂ ਫੈਡਰਲ ਸਰਕਾਰ ਦਾ ਕਹਿਣਾ ਸੀ ਕਿ ਉਹ ਨੈਸ਼ਨਲ ਸਕੂਲ ਫੂਡ ਪਾਲਿਸੀ ਬਣਾਉਣ ਲਈ ਕਦਮ ਚੁੱਕ ਰਹੀ ਹੈ, ਜਿਸ ਨਾਲ ਵਧੇਰੇ ਬੱਚਿਆਂ ਨੂੰ ਸਕੂਲ ਵਿਚ ਸਿਹਤਮੰਦ ਖਾਣਾ ਮਿਲ ਸਕੇਗਾ।
ਨਿਊ ਡੈਮੋਕਰੇਟਸ ਦਾ ਕਹਿਣਾ ਹੈ ਕਿ ਸਕੂਲਾਂ ਦੇ ਦੁਪਹਿਰ ਦੇ ਖਾਣੇ ਦੇ ਪ੍ਰੋਗਰਾਮ ਨੂੰ ਫੈਡਰਲ ਫੰਡਿੰਗ ਮਿਲਣ ਨਾਲ ਪਰਿਵਾਰਾਂ ’ਤੇ ਰਹਿਣ ਦੇ ਖ਼ਰਚੇ ਦੇ ਦਬਾਅ ਨੂੰ ਘੱਟ ਕਰਨ ਵਿਚ ਮਦਦ ਮਿਲ ਸਕਦੀ ਹੈ।
ਗੌਰਤਲਬ ਹੈ ਕਿ ਲਿਬਰਲ ਸਰਕਾਰ ਵਲੋਂ 16 ਅਪ੍ਰੈਲ ਨੂੰ ਕੈਨੇਡਾ ਦਾ ਬਜਟ ਪੇਸ਼ ਕੀਤਾ ਜਾਣਾ ਹੈ। ਕੈਨੇਡਾ ਦਾ ਬ੍ਰੇਕਫਾਸਟ ਕਲੱਬ ਦੀ ਇੱਕ ਪਿਛਲੀ ਰਿਪੋਰਟ ਮੁਤਾਬਕ, 77 ਮੁਲਕਾਂ ਵਿਚ ਕੈਨੇਡਾ ਇਕਲੌਤਾ ਦੇਸ਼ ਹੈ ਜਿਸ ਕੋਲ ਨੈਸ਼ਨਲ ਸਕੂਲ ਫੂਡ ਪ੍ਰੋਗਰਾਮ ਨਹੀਂ ਹੈ।
