ਜਗਮੀਤ ਸਿੰਘ ਦੀ ਥਾਂ ਲੈਣ ਲਈ ਐਨਡੀਪੀ ਨੇ ਲੀਡਰਸ਼ਿਪ ਦੌੜ ਲਈ ਅਧਿਕਾਰਤ ਨਿਯਮ ਕੀਤੇ ਜਾਰੀ

ਕੈਨੇਡਾ ਦੀ ਫੈਡਰਲ ਨਿਊ ਡੈਮੋਕ੍ਰੇਟਿਕ ਪਾਰਟੀ ਨੇ ਜਗਮੀਤ ਸਿੰਘ ਤੋਂ ਬਾਅਦ ਆਪਣੇ ਨਵੇਂ ਪ੍ਰਧਾਨ ਦੀ ਚੋਣ ਲਈ ਅਧਿਕਾਰਤ ਨਿਯਮ ਜਾਰੀ ਕਰ ਦਿੱਤੇ ਹਨ, ਇਸ ਵਿਚ ਉਮੀਦਵਾਰਾਂ ਨੂੰ ਵੱਖ-ਵੱਖ ਖੇਤਰੀ, ਨਸਲੀ ਅਤੇ LGBTQ+ supporters ਤੋਂ ਇੱਕ ਨਿਸ਼ਚਿਤ ਗਿਣਤੀ ਵਿਚ ਦਸਤਖਤ ਇਕੱਠੇ ਕਰਨ ਦੀ ਜ਼ਰੂਰਤ ਸ਼ਾਮਲ ਹੈ।

ਨਿਯਮਾਂ ਮੁਤਾਬਕ, ਉਮੀਦਵਾਰ ਨੂੰ ਘੱਟੋ-ਘੱਟ 10 ਫੀਸਦੀ ਦਸਤਖ਼ਤ ਐਨਡੀਪੀ ਨਾਲ ਜੁੜੇ 25 ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੇ ਨੌਜਵਾਨਾਂ ਤੋਂ ਇਕੱਠੇ ਕਰਨੇ ਹੋਣਗੇ। ਇਸ ਤੋਂ ਇਲਾਵਾ ਅਟਲਾਂਟਿਕ, ਕਿਊਬਿਕ, ਓਨਟਾਰੀਓ, ਪ੍ਰੇਰੀਜ਼, ਬੀ.ਸੀ. ਅਤੇ ਨੌਰਥ ਸਮੇਤ ਹਰੇਕ ਤੋਂ ਘੱਟੋ-ਘੱਟ 50 ਦਸਤਖ਼ਤ ਇਕੱਠੇ ਕਰਨੇ ਹੋਣਗੇ।

ਜਗਮੀਤ ਸਿੰਘ ਦੀ ਥਾਂ 'ਤੇ ਨਵੇਂ ਪ੍ਰਧਾਨ ਦੀ ਚੋਣ ਬੈਲਟ ਵੋਟ ਰਾਹੀਂ ਕੀਤੀ ਜਾਵੇਗੀ, ਜਿਸ ਵਿਚ ਪਾਰਟੀ ਮੈਂਬਰ ਉਮੀਦਵਾਰਾਂ ਨੂੰ ਤਰਜੀਹ ਦੇ ਕ੍ਰਮ ਵਿਚ ਵੋਟ ਦੇ ਸਕਣਗੇ। ਅਧਿਕਾਰਤ ਮੁਹਿੰਮ ਸਤੰਬਰ ਵਿਚ ਸ਼ੁਰੂ ਹੋਵੇਗੀ ਅਤੇ ਫਾਈਨਲ ਵੋਟਿੰਗ ਮਾਰਚ ਵਿਚ ਹੋਵੇਗੀ, ਜਦੋਂ ਨਵੇਂ ਪ੍ਰਧਾਨ ਦਾ ਐਲਾਨ ਵਿਨੀਪੈੱਗ ਵਿਚ ਕੀਤਾ ਜਾਵੇਗਾ।