20.12C Vancouver 20.12C VancouverNov 3, 2023 6:55 PM - The Canadian Press
ਐਨਡੀਪੀ ਨੇ ਸਾਰੇ ਤਰ੍ਹਾਂ ਦੀ ਹੋਮ ਹੀਟਿੰਗ ਨੂੰ ਫੈਡਰਲ ਕਾਰਬਨ ਟੈਕਸ ਛੋਟ ਵਿਚ ਸ਼ਾਮਲ ਕਰਨ ਲਈ ਕੰਜ਼ਰਵੇਟਿਵ ਦੇ ਮੋਸ਼ਨ ਦਾ ਸਮਰਥਨ ਕਰਨ ਦਾ ਫੈਸਲਾ ਕੀਤਾ ਹੈ।
ਨਿਊ ਵੈਸਟਮਿੰਸਟਰ-ਬਰਨਬੀ ਤੋਂ ਐਨਡੀਪੀ ਦੇ ਐਮਪੀ ਪੀਟਰ ਜੂਲੀਅਨ ਨੇ ਇਹ ਜਾਣਕਾਰੀ ਦਿੱਤੀ।
ਇਸ ਮੋਸ਼ਨ 'ਤੇ ਸੋਮਵਾਰ ਨੂੰ ਵੋਟਿੰਗ ਹੋਵੇਗੀ, ਜਿਸ ਨੂੰ ਲੈ ਕੇ ਹੁਣ ਬਲਾਕ ਕਿਊਬੇਕਵਾ 'ਤੇ ਇਹ ਦਬਾਅ ਹੋਵੇਗਾ ਜਾਂ ਤਾਂ ਉਹ ਇਸ ਮੋਸ਼ਨ ਨੂੰ ਰੱਦ ਕਰਨ ਲਈ ਲਿਬਰਲਸ ਦਾ ਸਾਥ ਦੇਣ ਜਾਂ ਵਿਰੋਧੀ ਪਾਰਟੀ ਨਾਲ ਸ਼ਾਮਲ ਹੋਣ।
ਫੈਡਰਲ ਸਰਕਾਰ ਦੇ ਇੱਕ ਸੂਤਰ ਨੇ ਜਲਵਾਯੂ ਕਾਰਵਾਈ 'ਤੇ "ਸਖਤ ਗੱਲ" ਕਰਨ ਵਾਲੀ ਐਨਡੀਪੀ ਦੇ ਇਸ ਕਦਮ ਨੂੰ ਕਾਫ਼ੀ ਹੈਰਾਨੀਜਨਕ ਕਰਾਰ ਦਿੱਤਾ।
ਉਥੇ ਹੀ, ਐਨਡੀਪੀ ਐਮਪੀ ਪੀਟਰ ਜੂਲੀਅਨ ਨੇ ਕਿਹਾ ਕਿ ਉਹ ਕੰਜ਼ਰਵੇਟਿਵ ਦੇ ਹੋਮ ਹੀਟਿੰਗ ਲਈ ਮੋਸ਼ਨ ਨੂੰ ਸਾਰੇ ਕੈਨੇਡੀਅਨ ਲਈ ਇੱਕ ਬਰਾਬਰ ਫਾਇਦੇ ਤੌਰ 'ਤੇ ਦੇਖਦੇ ਹਨ ਨਾ ਕਿ ਵਾਤਾਵਰਣਕ ਪੱਖੋਂ ਇਸ ਦਾ ਸਮਰਥਨ ਕਰਦੇ ਹਨ।
ਜੂਲੀਅਨ ਨੇ ਕਿਹਾ ਕਿ ਇਸ ਲਈ ਉਹ ਟੌਰੀਜ਼ ਦੇ ਮੋਸ਼ਨ ਲਈ ਵੋਟ ਕਰਨਗੇ।
ਗੌਰਤਲਬ ਹੈ ਕਿ ਪੀ. ਐੱਮ. ਟਰੂਡੋ ਵਲੋਂ ਤਿੰਨ ਸਾਲਾਂ ਲਈ ਹੋਮ ਹੀਟਿੰਗ ਔਇਲ ਨੂੰ ਕਾਰਬਨ ਟੈਕਸ ਤੋਂ ਛੋਟ ਦਿੱਤੀ ਗਈ ਹੈ, ਜਦੋਂ ਕਿ ਕੰਜ਼ਰਵੇਟਿਵ ਨੈਚੂਰਲ ਗੈਸ ਨੂੰ ਵੀ ਇਸ ਛੋਟ ਵਿਚ ਸ਼ਾਮਲ ਕਰਨ ਦੀ ਮੰਗ ਕਰ ਰਹੇ ਹਨ।
