15.48C Vancouver 15.48C VancouverApr 27, 2020 4:30 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ ਦੇ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਅਰਜ਼ੀ ਦੀ ਪ੍ਰਕਿਰਿਆ ਖੁੱਲ੍ਹਣ ਤੋਂ ਕੁਝ ਘੰਟਿਆਂ ਦੇ ਅੰਦਰ ਹੀ 10,000 ਵਪਾਰਾਂ ਨੇ ਆਪਣੀਆਂ ਅਰਜ਼ੀਆਂ ਦਰਜ ਕਰ ਦਿੱਤੀਆਂ ਹਨ।
ਉਹ ਕਨੇਡੀਅਨ ਕੰਪਨੀਆਂ ਜਿਨ੍ਹਾਂ ਨੂੰ ਕੋਵਿਡ-19 ਦੇ ਚੱਲਦਿਆਂ ਵਪਾਰ ਵਿਚ ਨੁਕਸਾਨ ਝੱਲਣਾ ਪੈ ਰਿਹਾ ਹੈ ਅਤੇ ਆਪਣੇ ਕਾਮਿਆਂ ਨੂੰ ਤਨਖਾਹਾਂ ਦੇਣ ਵਿੱਚ ਮੁਸ਼ਕਲਾਂ ਆ ਰਹੀਆਂ ਹਨ, ਵੇਜ ਸਬਸਿਡੀ ਪ੍ਰੋਗਰਾਮ ਲਈ ਅਰਜ਼ੀਆਂ ਭੇਜ ਸਕਦੀਆਂ ਹਨ।
ਯੋਗ ਕੰਪਨੀਆਂ ਨੂੰ ਹਰ ਮੁਲਾਜ਼ਮ ਦੀ ਤਨਖ਼ਾਹ ਦਾ 75 ਫ਼ੀਸਦੀ ਹਿੱਸਾ ਸਰਕਾਰ ਵੱਲੋਂ ਮੁਹੱਈਆ ਕਰਵਾਇਆ ਜਾਵੇਗਾ।
ਹਰ ਮੁਲਾਜ਼ਮ ਲਈ $847 ਤੱਕ ਪ੍ਰਤੀ ਹਫਤਾ ਉਪਲੱਬਧ ਹੋਵੇਗਾ।
ਟਰੂਡੋ ਮੁਤਾਬਕ ਇਸ ਪ੍ਰੋਗਰਾਮ ਦੇ ਯੋਗ ਕੰਪਨੀਆਂ ਨੂੰ 7 ਮਈ ਤੋਂ ਪੈਸੇ ਮਿਲਣੇ ਸ਼ੁਰੂ ਹੋ ਜਾਣਗੇ।
ਜਿਹੜੀਆਂ ਕੰਪਨੀਆਂ ਕੈਨੇਡਾ ਰੈਵੇਨਿਊ ਏਜੰਸੀ ਨਾਲ ਡਾਇਰੈਕਟ ਡਿਪਾਜ਼ਿਟ ਲਈ ਦਰਜ ਨਹੀਂ ਹਨ, ਨੂੰ ਪੈਸੇ ਮਿਲਣ ਵਿਚ ਦੇਰੀ ਹੋ ਸਕਦੀ ਹੈ।
ਅਧਿਕਾਰੀਆਂ ਵੱਲੋਂ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਕਿ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੇਫਿਟ ਅਧੀਨ ਕਿੰਨੇ ਲੋਕ ਸਹਿਯੋਗ ਹਾਸਲ ਕਰ ਰਹੇ ਹਨ ਪਰ ਟਰੂਡੋ ਮੁਤਾਬਕ ਮੁਲਾਜ਼ਮ ਦੋਵੇਂ ਪ੍ਰੋਗਰਾਮਾਂ ਅਧੀਨ ਵਿੱਤੀ ਮਦਦ ਨਹੀਂ ਲੈ ਸਕਦੇ।
