19.65C Vancouver 19.65C VancouverJul 13, 2026 5:17 PM - Connect Newsroom - Ramandeep Kaur
ਨਿਊ ਵੈਸਟਮਿੰਸਟਰ ਵਿਚ ਇੱਕ ਅਪਾਰਟਮੈਂਟ ਬਿਲਡਿੰਗ ਵਿਚ ਸ਼ੁੱਕਰਵਾਰ ਨੂੰ ਲੱਗੀ ਅੱਗ ਕਾਰਨ ਲਗਭਗ 150 ਲੋਕ ਪ੍ਰਭਾਵਿਤ ਹੋਏ। ਫਾਇਰ ਐਂਡ ਰੈਸਕਿਊ ਸਰਵਿਸ ਨੂੰ ਇਸ 'ਤੇ ਪੂਰੀ ਤਰ੍ਹਾਂ ਕਾਬੂ ਪਾਉਣ ਅਤੇ ਬਾਕੀ ਬਚੇ ਹੌਟ ਸਪਾਟ ਨੂੰ ਸ਼ਾਂਤ ਕਰਨ ਲਈ ਵੀਕੈਂਡ ਤੱਕ ਲਗਾਤਾਰ ਮੁਸ਼ੱਕਤ ਕਰਨੀ ਪਈ।ਅਧਿਕਾਰੀਆਂ ਮੁਤਾਬਕ, 905 4th ਐਵੇਨਿਊ ਵਿਖੇ ਸਥਿਤ ਪਾਈਨਕ੍ਰੇਸਟ Manor ਨਾਮ ਦੇ ਅਪਾਰਟਮੈਂਟ ਵਿਚ ਦੁਪਹਿਰ ਕਰੀਬ 1:30 ਵਜੇ ਅੱਗ ਲੱਗਣ ਦੀ ਸੂਚਨਾ ਮਿਲੀ ਸੀ।
ਫਾਇਰਫਾਈਟਰਜ਼ ਨੇ ਪੌੜੀਆਂ ਦੀ ਮਦਦ ਨਾਲ ਕਈ ਲੋਕਾਂ ਨੂੰ ਬਾਲਕੋਨੀ ਰਾਹੀਂ ਰੈਸਕਿਓ ਕੀਤਾ। ਇਮਾਰਤ ਵਿਚ ਅੱਗ ਕਾਰਨ ਮੁੱਖ ਦਰਵਾਜ਼ੇ ਦੇ ਉੱਪਰਲੀ ਛੱਤ ਪੂਰੀ ਤਰ੍ਹਾਂ ਸੜ ਗਈ ਅਤੇ ਕੁਝ ਹਿੱਸਾ ਡਿੱਗ ਗਿਆ। ਮੇਅਰ ਪੈਟ੍ਰਿਕ ਜੌਹਨਸਟੋਨ ਨੇ ਦੱਸਿਆ ਕਿ ਬੇਘਰ ਹੋਏ ਲੋਕਾਂ ਵਿਚ ਨਾਲ ਲੱਗਦੀ ਉਸ ਇਮਾਰਤ ਦੇ ਲੋਕ ਵੀ ਸ਼ਾਮਲ ਸਨ, ਜਿਸ ਨੂੰ ਅੱਗ ਬੁਝਾਉਣ ਦੌਰਾਨ ਪਾਣੀ ਕਾਰਨ ਨੁਕਸਾਨ ਪਹੁੰਚਿਆ।
ਨਿਊ ਵੈਸਟਮਿੰਸਟਰ ਦੇ ਚੀਫ਼ ਏਰਿਨ ਵਿਲੀਅਮਜ਼ ਨੇ ਦੱਸਿਆ ਕਿ ਬਰਨਬੀ ਦੇ ਫਾਇਰਫਾਈਟਰਜ਼ ਨੇ ਸ਼ਨੀਵਾਰ ਸਵੇਰ ਤੱਕ ਅੱਗ ਪੂਰੀ ਤਰ੍ਹਾਂ ਬੁਝਾਉਣ ਵਿਚ ਮਦਦ ਕੀਤੀ। ਉਹਨਾਂ ਮੁਤਾਬਕ, ਇਮਾਰਤ ਦੇ ਅੰਦਰੂਨੀ ਹਿੱਸਿਆਂ ਵਿਚ ਕੁਝ ਅਜਿਹੇ ਹੌਟ ਸਪਾਟ ਸਨ ਜਿੱਥੋਂ ਤੱਕ ਪਹੁੰਚਣਾ ਮੁਸ਼ਕਲ ਸੀ, ਇਸ ਲਈ ਮਲਬਾ ਹਟਾਉਣ ਲਈ excavator ਦੀ ਵੀ ਮਦਦ ਲਈ ਗਈ। ਉਥੇ ਹੀ, ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਅਜੇ ਜਾਰੀ ਹੈ।
