17.21C Vancouver 17.21C VancouverFeb 23, 2022 1:16 AM - The Canadian Press
ਅੱਜ ਬੀ.ਸੀ. ਦੇ ਹਵਾਈ ਅੱਡਿਆਂ ਲਈ $19 ਮਿਲੀਅਨ ਦੀ ਫੈਡਰਲ ਫੰਡਿੰਗ ਦਾ ਐਲਾਨ ਕੀਤਾ ਗਿਆ ਹੈ।
ਬੀ.ਸੀ. ਦੇ 11 ਹਵਾਈ ਅੱਡੇ ਅਤੇ 2 ਬੀ.ਸੀ. ਸੰਬੰਧੀ ਹਵਾਈ ਸੇਵਾਵਾਂ ਨੂੰ ਕੋਵਿਡ-19 ਪੈਂਡੈਮਿਕ ਦੇ ਸਿੱਟਿਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਕੈਨੇਡਾ ਦੇ ਪੈਸੀਫਿਕ ਇਕਨੌਮਿਕ ਡਵੈਲਪਮੈਂਟ ਏਜੈਂਸੀ ਸੰਬੰਧੀ ਮੰਤਰੀ, ਹਰਜੀਤ ਸੱਜਣ ਦਾ ਕਹਿਣਾ ਹੈ ਕਿ ਇਸ ਪੈਸੇ ਨਾਲ ਪੁਖਤਾ ਹੋ ਸਕੇਗਾ ਕਿ ਹਵਾਈ ਅੱਡਿਆਂ ਅਤੇ ਕੈਰੀਅਰਸ ਨੂੰ ਜਰੂਰੀ ਰੂਟੀਨ ਮੈਂਟੇਨੈਂਸ ਅਤੇ ਫੈਸਿਲਟੀ ਆਪਰੇਸ਼ਨ ਜਾਰੀ ਰੱਖਣ 'ਚ ਮਦਦ ਮਿਲ ਸਕੇ।
ਸਰਕਾਰ ਵੱਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ ਕਿ ਰੀਜਨਲ ਹਵਾਈ ਅੱਡੇ ਅਤੇ ਅਤੇ ਕੈਰੀਅਰ, ਅਹਿਮ ਕਮਰਸ਼ਲ, ਕ੍ਰਿਟਿਕਲ ਸਪਲਾਈ ਚੇਨ, ਇਕਨੌਮਿਕ ਗਰੋਥ 'ਚ ਵਾਧੇ ਅਤੇ ਅਸੈਂਸ਼ੀਅਲ ਵਰਕਰਾਂ ਅਤੇ ਮੈਡਿਕਲ ਮਰੀਜਾਂ ਨੂੰ ਆਪਣੀਆਂ ਡੈਸਟੀਨੇਸ਼ਨਸ ਤਕ ਪਹੁੰਚਣ 'ਚ ਮਦਦ ਕਰ ਰਹੇ ਹਨ।
ਸੈਂਟਰਲ ਮਾਊਂਟੇਨ ਏਅਰ ਅਤੇ ਪੈਸੀਫਿਕ ਕੋਸਟਲ ਏਅਰਲਾਈਨਸ ਨੂੰ 5-5 ਮਿਲੀਅਨ ਡਾਲਰ ਪ੍ਰਦਾਨ ਕੀਤੇ ਜਾ ਰਹੇ ਹਨ।
ਕੈਲੋਨਾ ਅਤੇ ਐਬਟਸਫੋਰਡ ਦੇ ਹਵਾਈ ਅੱਡਿਆਂ ਨੂੰ ਕਰੀਬ $5.5 ਮਿਲੀਅਨ ਦੀ ਰਾਸ਼ੀ ਮਿਲ ਰਹੀ ਹੈ।
ਬਾਕੀ ਦੀ ਰਾਸ਼ੀ ਸੂਬੇ ਦੇ ਹੋਰ 9 ਰੀਜਨਲ ਹਵਾਈ ਅੱਡਿਆਂ 'ਚ ਵੰਢੀ ਜਾਵੇਗੀ।
