23.25C Vancouver 23.25C VancouverMay 30, 2022 6:24 PM - ANI
ਨੇਪਾਲ ਵਿਚ ਇੱਕ ਪਲੇਨ ਪਹਾੜ 'ਤੇ ਕ੍ਰੈਸ਼ ਹੋਣ ਨਾਲ ਉਸ ਵਿਚ ਸਵਾਰ 22 ਲੋਕਾਂ ਦੀ ਮੌਤ ਹੋ ਗਈ। ਇਸ ਹਾਦਸੇ ਮਗਰੋਂ 21 ਲਾਸ਼ਾਂ ਬਰਾਮਦ ਹੋਈਆਂ ਹਨ, ਜਿਨ੍ਹਾਂ ਵਿਚੋਂ 10 ਲਾਸ਼ਾਂ ਨੂੰ ਨੇਪਾਲ ਦੀ ਫੌਜ ਵੱਲੋਂ ਸੋਮਵਾਰ ਸ਼ਾਮ ਨੂੰ ਬੇਸ ਸਟੇਸ਼ਨ ਲਿਜਾਇਆ ਜਾ ਚੁੱਕਾ ਹੈ।
ਕਾਠਮੰਡੂ ਵਿਚ ਤ੍ਰਿਭੁਵਨ ਇੰਟਰਨੈਸ਼ਨਲ ਏਅਰਪੋਰਟ ਦੇ ਸਪੋਕਸਪ੍ਰਸਨ ਨੇ ਇਹ ਜਾਣਕਾਰੀ ਦਿੱਤੀ, ਜੋ ਕਿ ਰੈਸਕਿਊ ਤੇ ਸਰਚ ਓਪਰੇਸ਼ਨ ਦੀ ਨਿਗਰਾਨੀ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ 50-60 ਬਚਾਅ ਕਰਮਚਾਰੀ ਲਾਉਣ ਦੇ ਬਾਵਜੂਦ ਖਰਾਬ ਮੌਸਮ ਕਾਰਨ ਰੈਸਕਿਊ ਓਪਰੇਸ਼ਨ ਬਹੁਤ ਮੁਸ਼ਕਲ ਸੀ। ਹਾਦਸੇ ਵਾਲੀ ਥਾਂ ਤੋਂ ਨੇੜੇ ਦੇ ਬੇਸ ਸਟੇਸ਼ਨ ਤੱਕ ਲਾਸ਼ਾਂ ਨੂੰ ਲਿਜਾਣ ਲਈ ਤਿੰਨ ਹੈਲੀਕਾਪਟਰ ਵੀ ਇਸ ਮੁਹਿੰਮ ਵਿਚ ਲਾਏ ਗਏ ਹਨ।
ਗੌਰਤਲਬ ਹੈ ਕਿ ਨੇਪਾਲ ਦੀ ਟਾਟਾ ਏਅਰ ਦਾ ਪਲੇਨ ਐਤਵਾਰ ਨੂੰ ਜੋਮਸੋਮ ਤੋਂ ਪੋਖਰਾ ਲਈ ਜਾ ਰਿਹਾ ਸੀ, ਜੋ ਮੁਸਤਾਂਗ ਜ਼ਿਲ੍ਹੇ ਵਿਚ 14,500 ਫੁੱਟ ਦੀ ਉਚਾਈ 'ਤੇ ਮਾਨਾਪਥੀ ਦੀ ਚੋਟੀ 'ਤੇ ਕ੍ਰੈਸ਼ ਹੋ ਗਿਆ ਸੀ। ਇੱਕ ਲਾਸ਼ ਦੀ ਭਾਲ ਹਿਮਾਲਿਆ ਵਿਚ ਕੀਤੀ ਜਾ ਰਹੀ ਹੈ। ਅਧਿਕਾਰੀਆਂ ਮੁਤਾਬਕ, ਹਿਮਾਲਿਆ ਸੰਘਣੀ ਧੁੰਦ ਨਾਲ ਘਿਰਿਆ ਹੋਣ ਕਾਰਨ ਸਰਚ ਵਿਚ ਮੁਸ਼ਕਲ ਆ ਰਹੀ ਹੈ। ਸੰਘਣੀ ਧੁੰਦ ਕਾਰਨ ਵਿਜ਼ੀਬਿਲਟੀ ਘੱਟ ਹੈ।
