ਐਲਬਰਟਾ ਦੀ ਨਵੀਂ ਹਸਪਤਾਲ ਏਜੰਸੀ ਅਗਲੀ ਬਸੰਤ ਵਿਚ ਹੋਵੇਗੀ ਸ਼ੁਰੂ

ਐਲਬਰਟਾ ਦੇ ਸਿਹਤ ਮੰਤਰਾਲੇ ਵਲੋਂ ਨਵੀਂ ਹਸਪਤਾਲ ਏਜੰਸੀ ਨੂੰ ਲੌਂਚ ਕਰਨ ਦਾ ਵਿਚਾਰ ਪਤਝੜ ਲਈ ਟਾਲ ਦਿੱਤਾ ਗਿਆ ਹੈ। ਸਿਹਤ ਮੰਤਰੀ ਐਡਰੀਆਨਾ ਲਾਗਰੇਂਜ ਨੇ ਨਵੇਂ ਸਿਸਟਮ ਦਾ ਨਾਮ ਸਾਂਝਾ ਕਰਦਿਆਂ ਕਿਹਾ ਕਿ ਐਕਿਊਟ ਕੇਅਰ ਐਲਬਰਟਾ ਦੀ ਟਾਈਮ ਲਾਈਨ ਨੂੰ ਅੱਗੇ ਵਧਾ ਦਿੱਤਾ ਗਿਆ ਹੈ। ਇਸ ਨੂੰ ਪ੍ਰਾਇਮਰੀ ਕੇਅਰ ਐਲਬਰਟਾ ਵਜੋਂ ਵੀ ਜਾਣਿਆ ਜਾਂਦਾ ਹੈ।

ਨਿਊਜ਼ ਕਾਨਫਰੰਸ ਵਿਚ ਉਨ੍ਹਾਂ ਨੇ ਦੱਸਿਆ ਕਿ ਸੂਬੇ ਵਲੋਂ ਪਿਛਲੇ ਸਾਲ ਨਵੰਬਰ ਵਿਚ ਜਿਸ ਨਵੇਂ ਹੈਲਥ ਕੇਅਰ ਸਿਸਟਮ ਦਾ ਵਿਚਾਰ ਪੇਸ਼ ਕੀਤਾ ਗਿਆ ਸੀ ਅਤੇ ਪਤਝੜ ਦੌਰਾਨ ਇਸ ਦੇ ਤਿਆਰ ਹੋਣ ਦੀ ਆਸ ਸੀ ਪਰ ਅਜਿਹਾ ਨਹੀਂ ਹੋ ਸਕਿਆ।

ਲਾਗਰੇਂਜ ਨੇ ਦੱਸਿਆ ਕਿ ਇਸ ਨੂੰ ਅਪ੍ਰੈਲ 2025 ਤਕ ਤਿਆਰ ਕਰ ਲਿਆ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਬਹੁਤ ਕੁਝ ਪੂਰਾ ਕਰਨਾ ਬਾਕੀ ਹੈ। ਦੱਸ ਦੇਈਏ ਕਿ ਸੂਬੇ ਵਲੋਂ ਨਵੇਂ ਹੈਲਥ ਕੇਅਰ ਸੰਗਠਨ ਲਈ $85 ਮਿਲੀਅਨ ਦਾ ਬਜਟ ਰੱਖਿਆ ਗਿਆ ਹੈ।