ਕੈਨੇਡਾ ਦੇ ਨਵੇਂ ਐਨਰਜੀ ਮੰਤਰੀ ਨੇ ਤੇਲ ਅਤੇ ਗੈਸ ਅਧਿਕਾਰੀਆਂ ਨਾਲ ਕੈਲਗਰੀ ਵਿਚ ਕੀਤੀ ਮੁਲਾਕਾਤ

ਕੈਨੇਡਾ ਦੇ ਨਵੇਂ ਐਨਰਜੀ ਮੰਤਰੀ ਅੱਜ ਕੈਲਗਰੀ ਵਿਚ ਸਨ ਅਤੇ ਉਨ੍ਹਾਂ ਨੇ ਤੇਲ ਅਤੇ ਗੈਸ ਐਗਜ਼ੀਕਿਊਟਿਵ ਨਾਲ ਔਟਵਾ ਦੀਆਂ ਯੋਜਨਾਵਾਂ ਬਾਰੇ ਗੱਲ ਕੀਤੀ। ਕੈਲਗਰੀ ਚੈਂਬਰ ਆਫ ਕਾਮਰਸ ਈਵੈਂਟ ਦੌਰਾਨ ਟਿਮ ਹਾਜਸਨ ਨੇ ਕਿਹਾ ਕਿ ਹੁਣ ਇਹ ਸਮਾਂ ਆ ਗਿਆ ਹੈ ਕਿ ਕੈਨੇਡਾ ਅਤੇ ਐਨਰਜੀ ਸੈਕਟਰ ਜਲਦੀ ਨਾਲ ਕੰਮ ਕਰਨ।

ਉਹ ਐਲਬਰਟਾ ਵਿਚ ਆਪਣੇ ਹਮਰੁਤਬਾ ਬਰਾਇਨ ਜੀਨ ਨੂੰ ਮਿਲਣਗੇ। ਇਸ ਤੋਂ ਪਹਿਲਾਂ ਉਹ ਵੀਰਵਾਰ ਸਸਕੈਚਵਨ ਦੇ ਡਿਪਟੀ ਪ੍ਰੀਮੀਅਰ ਨਾਲ ਮੁਲਾਕਾਤ ਕਰ ਚੁੱਕੇ ਹਨ। ਕੁਝ ਤੇਲ ਐਗਜ਼ੀਕਿਊਟਿਵ ਨੇ ਦੱਸਿਆ ਕਿ ਹਾਜਸਨ ਦੀਆਂ ਟਿੱਪਣੀਆਂ ਉਨ੍ਹਾਂ ਨੂੰ ਉਤਸ਼ਾਹਿਤ ਕਰ ਰਹੀਆਂ ਹਨ ਪਰ ਇਨ੍ਹਾਂ ਨੂੰ ਕਦੋਂ ਅਮਲ ਵਿਚ ਲਿਆਂਦਾ ਜਾਵੇਗਾ ਇਹ ਸਮਾਂ ਹੀ ਦੱਸੇਗਾ।