10.99C Vancouver 10.99C VancouverOct 25, 2022 7:22 PM - Connect News
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦਾ ਕਹਿਣਾ ਹੈ ਕਿ ਢੀਂਢਸਾ ਭਰਾਵਾਂ ਦੇ ਕਤਲ ਦੇ ਮਾਮਲੇ ਦੇ ਤਾਰ ਲੋਅਰ ਮੇਨਲੈਂਡ ਦੀਆਂ ਕਈ ਸ਼ੂਟਿੰਗਸ ਨਾਲ ਜੁੜੇ ਹੋ ਸਕਦੇ ਹਨ।
ਰਿਚਮੰਡ ਆਰ.ਸੀ.ਐਮ.ਪੀ. ਨੂੰ ਬੀਤੇ ਸਾਲ 19 ਮਾਰਚ ਨੂੰ ਰੈਥਬਰਨ ਡਰਾਈਵ ਦੇ 22000 ਬਲੌਕ 'ਚ ਇੱਕ ਸਟ੍ਰਕਚਰ ਫਾਇਰ ਦੀ ਜਾਣਕਾਰੀ ਮਿਲੀ ਸੀ।
ਅੱਗ 'ਤੇ ਕਾਬੂ ਪਾਉਣ ਤੋਂ ਬਾਅਦ ਘਰ 'ਚ ਦਾਖਿਲ ਹੋਣ 'ਤੇ ਅੰਦਰ 2 ਲੋਕ ਮ੍ਰਿਤ ਮਿਲੇ ਸਨ।
ਦੋਵਾਂ ਦੀ ਪਛਾਣ 25 ਸਾਲਾ ਚੇਤਨ ਢੀਂਢਸਾ ਅਤੇ 23 ਸਾਲਾ ਜੋਬਨ ਢੀਂਢਸਾ ਵਜੋਂ ਹੋਈ ਸੀ।
ਇਹ ਦੋਵੇਂ ਰਿਚਮੰਡ ਦੇ ਰਹਿਣ ਵਾਲੇ ਸਨ।
ਇਸੇ ਮਾਮਲੇ 'ਚ ਅੱਜ ਆਈ.ਹਿਟ ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਲੋਅਰ ਮੇਨਲੈਂਡ 'ਚ ਗੋਲੀ ਚੱਲਣ ਦੀਆਂ ਕਈ ਵਾਰਦਾਤਾਂ ਵਾਪਰੀਆਂ ਸਨ ਜੋ ਢੀਂਢਸਾ ਭਰਾਵਾਂ ਦੇ ਕਤਲ ਦਾ ਕਾਰਨ ਬਣੀਆਂ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਰਿਚਮੰਡ 'ਚ ਨੰਬਰ 3 ਰੋਡ ਦੇ 4500 ਬਲੌਕ 'ਚ 3 ਦਿਸੰਬਰ 2020 ਨੂੰ ਇੱਕ ਜਗ੍ਹਾ ਗੋਲੀਆਂ ਚੱਲਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਉਸ ਮਾਮਲੇ ਨੂੰ ਕਤਲ ਦੀ ਇਸ ਘਟਨਾ ਨਾਲ ਜੋੜ ਕੇ ਵੇਖਿਆ ਜਾ ਰਿਹਾ ਹੈ।
3 ਦਿਸੰਬਰ 2020 ਦੀ ਰਾਤ ਦੀ ਇੱਕ ਘਰ ਕੋਲ ਖੜੀਆਂ ਰੇਂਜ ਰੋਵਰ, ਵੋਕਸਵੈਗਨ ਜੈਟਾ ਅਤੇ ਇੱਕ ਔਡੀ ਗੱਡੀ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਗਈਆਂ ਹਨ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਮਾਮਲਾ ਕੰਪਲੈਕਸ ਅਤੇ ਅਤੇ ਜੇਕਰ ਕਿਸੇ ਕੋਲ ਢੀਂਢਸਾ ਭਰਾਵਾਂ ਦੇ ਕਤਲ ਨਾਲ ਜੁੜੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
