ਬੌਬ ਮੇਨੇਡੇਜ਼ ਨੇ ਕੀਤਾ ਐਲਾਨ, ਹੁਣ ਉਹ ਡੈਮੋਕਰੇਟਿਕ ਪ੍ਰਾਇਮਰੀ ਤੋਂ ਹੋਣਗੇ ਦੂਰ

ਨਿਊ ਜਰਸੀ ਦੇ ਅਮਰੀਕੀ ਸੀਨੇਟਰ ਬੌਬ ਮੇਨੇਂਡੇਜ਼ ਨੇ ਵੀਰਵਾਰ ਨੂੰ ਕਿਹਾ ਕਿ ਉਹ ਡੈਮੋਕ੍ਰੈਟਿਕ ਪ੍ਰਾਇਮਰੀ ਵਿੱਚ ਭਾਗ ਨਹੀਂ ਲੈਣਗੇ, ਕਿਉਂਕਿ ਉਨ੍ਹਾਂ ’ਤੇ ਸੰਘੀ ਭ੍ਰਿਸ਼ਟਾਚਾਰ ਦਾ ਦੋਸ਼ ਹੈ ਪਰ ਉਨ੍ਹਾਂ ਨੇ ਇਸ ਸੰਭਾਵਨਾ ਨੂੰ ਖੁੱਲਾ ਰੱਖਿਆ ਹੈ ਜੇਕਰ ਉਹ ਇੱਕ ਮੁਕੱਦਮੇ ਵਿੱਚ ਬਰੀ ਹੋ ਜਾਂਦੇ ਹਨ ਤਾਂ ਉਹ ਇਸ ਸਾਲ ਦੇ ਅੰਤ ’ਚ ਇੱਕ ਸੁਤੰਤਰ ਉਮੀਦਵਾਰ ਵਜੋਂ ਦੌੜ ਵਿੱਚ ਮੁੜ ਸ਼ਾਮਲ ਹੋਣਗੇ। ਮੇਨੇਂਡੇਜ਼ ਨੇ ਵੀਰਵਾਰ ਦੁਪਹਿਰ ਨੂੰ ਜਾਰੀ ਕੀਤੀ ਇੱਕ ਵੀਡੀਓ ਵਿੱਚ ਇਹ ਘੋਸ਼ਣਾ ਕੀਤੀ।

ਇਹ ਫੈਸਲਾ ਉਦੋਂ ਆਇਆ ਹੈ ਜਦੋਂ ਮੇਨੇਡੇਜ਼ ਆਪਣੀ ਪਤਨੀ, ਨਦੀਨ ਅਤੇ ਤਿੰਨ ਕਾਰੋਬਾਰੀ ਸਹਿਯੋਗੀਆਂ ਦੇ ਨਾਲ ਸੰਘੀ ਰਿਸ਼ਵਤਖੋਰੀ ਦੇ ਦੋਸ਼ਾਂ ਨਾਲ ਲੜ ਰਹੇ ਸਨ।

ਮੇਨੇਡੇਜ਼ ਅਤੇ ਉਸ ਦੇ ਜੀਵਨ ਸਾਥੀ ’ਤੇ ਨਿਊ ਜਰਸੀ ਦੇ ਤਿੰਨ ਕਾਰੋਬਾਰੀਆਂ ਦੁਆਰਾ ਚਲਾਏ ਜਾ ਰਹੇ ਪ੍ਰੋਜੈਕਟਾਂ ਵਿੱਚ ਸੈਨੇਟਰ ਦੀ ਮਦਦ ਦੇ ਬਦਲੇ ਸੋਨੇ ਦੀਆਂ ਬਾਰਾਂ, ਨਕਦੀ ਅਤੇ ਇੱਕ ਮਰਸੀਡੀਜ਼-ਬੈਂਜ਼ ਦੀ ਰਿਸ਼ਵਤ ਲੈਣ ਦਾ ਦੋਸ਼ ਹੈ।