13.91C Vancouver 13.91C VancouverFeb 4, 2020 10:52 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਵਿੱਚ ਕੋਰੋਨਾਵਾਇਰਸ ਸੰਬੰਧੀ ਦੂਜੇ ਮਾਮਲੇ ਦੀ ਪੁਸ਼ਟੀ ਹੋ ਗਈ ਹੈ।
ਬੀ.ਸੀ. ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ, ਮੌਜੂਦਾ ਮਾਮਲੇ 'ਚ ਪੀੜਤ ਇੱਕ ਮਹਿਲਾ ਹੈ, ਜਿਸਦੀ ਉਮਰ 50 ਤੋਂ 60 ਸਾਲ ਦੇ ਦਰਮਿਆਨ ਦੀ ਦੱਸੀ ਜਾ ਰਹੀ ਹੈ।
ਮਹਿਲਾ ਵੈਨਕੂਵਰ ਇਲਾਕੇ ਦੀ ਰਹਿਣ ਵਾਲੀ ਹੈ।
ਸੂਬੇ ਦੇ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ ਨੇ ਆਖਿਆ ਕਿ ਚੀਨ ਦੇ ਕੋਰੋਨਾਵਾਇਰਸ ਨਾਲ ਪ੍ਰਭਾਵਿਤ ਸੂਬੇ, ਹੁਬੇ ਤੋਂ ਮਹਿਲਾ ਦਾ ਪਰਿਵਾਰ ਉਨ੍ਹਾਂ ਨੂੰ ਮਿਲਣ ਆਇਆ ਸੀ।
ਉਨ੍ਹਾਂ ਦੱਸਿਆ ਕਿ ਮਹਿਲਾ ਦਾ ਪਰਿਵਾਰ ਅਜੇ ਵੀ ਕੈਨੇਡਾ 'ਚ ਹੀ ਹੈ, ਅਤੇ ਸਿਹਤ ਅਧਿਕਾਰੀ ਉਨ੍ਹਾਂ ਨੂੰ ਮਾਨੀਟਰ ਕਰ ਰਹੇ ਹਨ।
ਇਨ੍ਹਾਂ ਮਾਮਲਿਆਂ ਦੀ ਪੁੜ੍ਹਤੀ ਲਈ, ਵਿਨੀਪੈਗ ਦੀ ਨੈਸ਼ਨਲ ਮਾਈਕਰੋਬਾਇਓਲੌਜੀ ਲੈਬੋਰੇਟਰੀ ਤੋਂ ਵੀ ਟੈਸਟ ਨਤੀਜੇ ਪਾਜੀਟਿਵ ਆਉਣ ਦੀ ਲੋੜ ਹੈ।
ਹਾਲਾਂਕਿ ਡਾ. ਬੌਨੀ ਹੈਨਰੀ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਮਾਮਲਾ ਪੱਕਾ ਮੰਨਿਆ ਜਾ ਰਿਹਾ ਹੈ।
ਜੇਕਰ ਇਸ ਮਾਮਲੇ ਦੀ ਪੁਸ਼ਟੀ ਹੋ ਜਾਂਦੀ ਹੈ, ਤਾਂ ਇਹ ਕੈਨੇਡਾ 'ਚ ਕੋਰੋਨਾਵਾਇਰਸ ਦਾ 5ਵਾਂ ਮਾਮਲਾ ਹੋਵੇਗਾ।
ਇਸਤੋਂ ਪਹਿਲਾਂ ਬ੍ਰਿਟਿਸ਼ ਕੋਲੰਬੀਆ 'ਚ ਇੱਕ ਅਤੇ ਔਂਟੈਰੀਓ 'ਚ 3 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ।
