14.04C Vancouver 14.04C VancouverOct 27, 2020 7:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਦੇਸ਼ ਦੇ ਬਹੁਤ ਸਾਰੇ ਲੋਕਾਂ ਦੇ ਸਿਰ 'ਤੇ ਛੱਤ ਨਹੀਂ ਹੈ, ਅਤੇ ਉਨ੍ਹਾਂ ਦੀ ਸਰਕਾਰ ਅਜਿਹੇ ਲੋਕਾਂ ਦੀ ਗਿਣਤੀ ਨੂੰ ਘਟਾਉਣ ਲਈ ਕੰਮ ਕਰ ਰਹੀ ਹੈ।
ਅੱਜ ਗੱਲਬਾਤ ਕਰਦਿਆਂ ਪ੍ਰਧਾਨ ਮੰਤਰੀ ਟਰੂਡੋ ਨੇ ਦੱਸਿਆ ਕਿ ਔਟਵਾ ਵੱਲੋਂ ਫੈਡਰਲ ਰੈਪਿਡ ਹਾਊਸਿੰਗ ਇਨੀਸ਼ੀਏਟਿਵ (federal rapid housing initiative) 'ਚ 1 ਬਿਲੀਅਨ ਡਾਲਰ ਦਾ ਯੋਗਦਾਨ ਪਾਇਆ ਜਾ ਰਿਹਾ ਹੈ।
15 ਸ਼ਹਿਰਾਂ ਨੂੰ ਕੁੱਲ 500 ਮਿਲੀਅਨ ਡਾਲਰ ਦੇ ਫੰਡ ਦਿੱਤੇ ਜਾਣਗੇ। ਇਹ ਫੰਡ ਪ੍ਰਾਪਰਟੀਆਂ ਖਰੀਦਣ ਦੇਕੰਮ ਆਉਣਗੇ।
ਬਾਕੀ ਦੇ 500 ਮਿਲੀਅਨ ਡਾਲਰ ਦੀ ਵਰਤੋਂ ਹਾਊਸਿੰਗ ਪ੍ਰੋਜੈਕਟ ਖੜੇ ਕਰਨ ਦੇ ਕੰਮ ਆਵੇਗੀ।
ਹਾਲਾਂਕਿ ਇਨ੍ਹਾਂ ਪ੍ਰੋਜੈਕਟਸ ਨੂੰ ਫੰਡ ਮਿਲਣ ਦੇ 12 ਮਹੀਨਿਆਂ ਦੇ ਅੰਦਰ ਪੂਰਾ ਕਰਨਾ ਜ਼ਰੂਰੀ ਹੋਵੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅਫੋਰਡੇਬਲ ਹਾਊਸਿੰਗ ਸੰਬੰਧੀ ਬੀਤੇ ਮਹੀਨੇ ਕੀਤੇ 3,000 ਨਵੇਂ ਅਫੋਰਡੇਬਲ ਹਾਊਸਿੰਗ ਯੂਨਿਟਸ ਉਪਲਬਧ ਕਰਵਾਉਣ ਸੰਬੰਧੀ ਐਲਾਨ ਦੇ ਵੇਰਵੇ ਸਾਂਝੇ ਕੀਤੇ ਹਨ।
ਟਰੂਡੋ ਨੇ ਕਿਹਾ ਕਿ ਫੈਡਰਲ ਰੈਪਿਡ ਹਾਊਸਿੰਗ ਇਨੀਸ਼ੀਏਟਿਵ ਲਈ ਕੀਤੇ ਜਾਣ ਵਾਲਾ 1 ਬਿਲੀਅਨ ਡਾਲਰ ਦਾ ਨਿਵੇਸ਼, ਮੁੱਖ ਸ਼ਹਿਰ ਸਟਰੀਮ ਅਤੇ ਪ੍ਰੋਜੈਕਟਸ ਸਟਰੀਮ 'ਚ ਬਰਾਬਰ-ਬਰਾਬਰ ਵੰਡਿਆ ਜਾਵੇਗਾ।
ਪਹਿਲੇ ਅੱਧੇ ਹਿੱਸੇ 'ਚ ਸ਼ਹਿਰਾਂ ਨੂੰ ਪ੍ਰਾਪਰਟੀਆਂ ਖਰੀਦਣ ਦੇ ਫੰਡ ਮਿਲਣਗੇ।
ਇਸ ਨੂੰ ਅਫੋਰਡੇਬਲ ਹਾਊਸਿੰਗ 'ਚ ਤਬਦੀਲ ਕੀਤਾ ਜਾਵੇਗਾ।
ਇਸ 'ਚ ਟੋਰੌਂਟੋ ਨੂੰ 203 ਮਿਲੀਅਨ ਡਾਲਰ ਉਪਲਬਧ ਕਰਵਾਏ ਜਾ ਰਹੇ ਹਨ।
