19.08C Vancouver 19.08C VancouverNov 15, 2023 6:48 PM - Connect News
ਕੈਨੇਡਾ ਵਿੱਚ ਕੋਵਿਡ -19 ਦਾ ਇੱਕ ਨਵਾਂ ਸਬਵੈਰੀਐਂਟ ਐੱਚ ਵੀ.1 ਤੇਜ਼ੀ ਨਾਲ ਫੈਲ ਰਿਹਾ ਹੈ।
ਸਿਹਤ ਮਾਹਿਰਾਂ ਅਨੁਸਾਰ ਇਹ ਵੇਖਣਾ ਅਜੇ ਬਾਕੀ ਹੈ ਕਿ ਇਹ ਪਿਛਲੇ ਵੈਰੀਐਂਟਸ ਨਾਲੋਂ ਵਧੇਰੇ ਛੂਤਕਾਰੀ ਹੈ ਜਾਂ ਨਹੀਂ।
ਹੈਲਥ ਕੈਨੇਡਾ ਅਨੁਸਾਰ HV.1 ਓਮੀਕਰੋਨ ਦਾ ਇੱਕ ਸਬਵੈਰੀਐਂਟ ਹੈ ਜੋ ਦੇਸ਼ ਵਿੱਚ ਲਗਾਤਾਰ ਵਿਕਾਸ ਦਰਸਾਉਣ ਵਾਲੇ ਵੰਸ਼ ਸਮੂਹਾਂ ਵਿੱਚੋਂ ਇੱਕ ਹੈ।
ਹੈਲਥ ਕੈਨੇਡਾ ਵੱਲੋਂ ਆਪਣੀ ਵੈਬਸਾਈਟ 'ਤੇ ਦੱਸਿਆ ਗਿਆ ਕਿ ਅਗਸਤ ਤੱਕ ਰਿਪੋਰਟ ਕੀਤੇ ਗਏ ਕੇਸਾਂ ਵਿੱਚ ਇਸ ਵਿੱਚ 2.1% ਵਾਧਾ ਹੋਇਆ ਸੀ ਜੋ ਅਕਤੂਬਰ 29 ਤੱਕ 34.4% ਹੋ ਗਿਆ ਸੀ।
ਇਸਨੇ XBB 1.16 ਵਰਗੇ ਹੋਰ ਵੈਰੀਐਂਟ ਨੂੰ ਵੀ ਪਛਾੜ ਦਿੱਤਾ ਹੈ ਜੋ ਸਪਰਿੰਗ ਦੇ ਅਖੀਰ ਅਤੇ ਗਰਮੀਆਂ ਵਿੱਚ ਵਧੇਰੇ ਪ੍ਰਭਾਵੀ ਸਨ।
ਛੂਤ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾ. ਆਈਜ਼ਕ ਬੋਗੋਕ ਅਨੁਸਾਰ ਇਹ ਇਸ ਵੇਲੇ ਇਥੇ ਮੌਜੂਦ ਹੈ।
ਜੇ ਅਸੀਂ ਓਨਟੇਰੀਓ ਦੀਆਂ ਸਭ ਤੋਂ ਨਵੀਆਂ ਜੀਨੋਮਿਕ ਅਧਿਐਨ ਨੁੰ ਦੇਖੀਏ ਤਾਂ ਇਹ ਸਭ ਤੋਂ ਪ੍ਰਚਲਿਤ ਵੰਸ਼ਾਵਲੀ ਹੈ।
ਬੋਗੋਕ ਅਨੁਸਾਰ ਇਹ ਅਕਤੂਬਰ ਦੇ ਅਖੀਰ ਵਿੱਚ ਵੀ ਮੌਜੂਦ ਸੀ ਅਤੇ ਹੁਣ ਉਸ ਤੋਂ ਵੀ ਕਿਤੇ ਜ਼ਿਆਦਾ ਹੈ।
ਪਬਲਿਕ ਹੈਲਥ ਓਨਟੇਰੀਓ ਦਾ ਕਹਿਣਾ ਹੈ ਕਿ ਇਸਦੇ 8 ਨਵੰਬਰ ਤੱਕ 43.0% ਹੋ ਜਾਣ ਦੀ ਉਮੀਦ ਹੈ।
