11.62C Vancouver 11.62C VancouverDec 29, 2022 1:41 AM - Connect News
ਨਿਊ ਵੈਸਟਮਿਨਸਟਰ ਪੁਲਿਸ ਵੱਲੋਂ ਇੱਕ ਲਾਪਤਾ ਔਰਤ ਦੀ ਭਾਲ 'ਚ ਮਦਦ ਲਈ ਮੁੜ ਤੋਂ ਅਪੀਲ ਕੀਤੀ ਗਈ ਹੈ।
ਲਾਪਤਾ ਔਰਤ ਦਾ ਨਾਮ ਡਾਕੋਟਾ ਜੌਕੋ ਹੈ ਅਤੇ ਉਸ ਦੇ ਲਾਪਤਾ ਹੋਣ ਸੰਬੰਧੀ ਪਹਿਲਾਂ ਜਾਣਕਾਰੀ 22 ਦਿਸੰਬਰ ਨੂੰ ਜਾਰੀ ਕੀਤੀ ਗਈ ਸੀ।
ਪਰ ਬੁੱਧਵਾਰ ਨੂੰ ਇੱਕ ਵਾਰ ਫਿਰ ਤੋਂ ਪੁਲਿਸ ਨੇ ਔਰਤ ਦੀ ਤਸਵੀਰ ਅਤੇ ਜਾਣਕਾਰੀ ਜਾਰੀ ਕਰ ਉਸ ਦੀ ਭਾਲ 'ਚ ਮਦਦ ਦੀ ਅਪੀਲ ਕਰਦਿਆਂ ਕਿਹਾ ਕਿ ਔਰਤ ਲਈ ਚਿੰਤਾ ਵੱਧਦੀ ਜਾ ਰਹੀ ਹੈ।
ਔਰਤ ਨੂੰ ਆਖਰੀ ਵਾਰ ਕੋਲੰਬੀਆ ਸਕਾਈਟਰੇਨ ਸਟੇਸ਼ਨ ਕੋਲ ਵੇਖਿਆ ਗਿਆ ਸੀ ਅਤੇ ਔਰਤ ਬਾਰੇ ਦੱਸਿਆ ਗਿਆ ਕਿ ਉਹ ਇੰਡੀਜਨਸ ਮੂਲ ਦੀ ਹੈ ਅਤੇ ਉਸ ਦਾ ਕੱਦ ਕਰੀਬ 5'1" ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਔਰਤ ਦੀ ਕੋਈ ਵੀ ਜਾਣਕਾਰੀ ਮਿਲਣ 'ਤੇ 911 'ਤੇ ਸੰਪਰਕ ਕੀਤਾ ਜਾਵੇ ਜਾਂ ਫਿਰ 778 792 8897 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਔਰਤ ਦੀ ਤਸਵੀਰ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੀ ਵੇਖੀ ਜਾ ਸਕਦੀ ਹੈ।
