13.89C Vancouver 13.89C VancouverApr 28, 2021 5:32 PM -
ਨਿਊ ਵੈਸਟਮਿਸਟਰ 'ਚ ‘ਸਕੂਲ ਲਾਏਜਨ ਔਫ਼ੀਸਰ ਪ੍ਰੋਗਰਾਮ’ ਨੂੰ ਖਤਮ ਕਰਨ ਦੇ ਹੱਕ ਵਿੱਚ ਪਾਈ ਗਈ ਵੋਟ ਤੋਂ ਬਾਅਦ ਹੁਣ ਨਿਊ ਵੈਸਟਮਿਨਸਟਰ ਦੇ ਸਕੂਲਾਂ ਵਿੱਚ ਵਰਦੀਧਾਰੀ ਪੁਲਿਸ ਅਫਸਰ ਮੌਜੂਦ ਨਹੀਂ ਹੋਣਗੇ।
ਅਜਿਹਾ ਫੈਸਲਾ ਲੈਣ ਵਾਲੀ ਇਹ ਬੀ.ਸੀ. ਦੀ ਦੂਜੀ ਸਕੂਲ ਡਿਸਟ੍ਰਿਕਟ ਬਣ ਗਈ ਹੈ।
ਮੰਗਲਵਾਰ ਰਾਤ ਨਿਊ ਵੈਸਟਮਿਨਸਟਰ ਸਕੂਲ ਬੋਰਡ ਮੈਂਬਰਾਂ ਨੇ ਤੁਰੰਤ ਪ੍ਰਭਾਵ ਨਾਲ ਚਾਈਲਡ ਐਂਡ ਯੂਥ ਲਾਇਜ਼ਨ ਅਫ਼ਸਰ ਪ੍ਰੋਗਰਾਮ (child and youth liaison officer program) ਖਤਮ ਕਰਨ ਦਾ ਫੈਸਲਾ ਲਿਆ।
ਇਸ ਦੀ ਵਜ੍ਹਾ ਦੱਸੀ ਗਈ ਕਿ ਵਰਦੀਧਾਰੀ ਅਧਿਕਾਰੀਆਂ ਦੀ ਮੌਜੂਦਗੀ, ਸਿਆਹ ਰੰਗ, ਇੰਡੀਜਨਸ ਅਤੇ ਕੁਝ ਹੋਰ ਰੰਗ ਜਾਂ ਸਮੂਹਾਂ ਦੇ ਵਿਦਿਆਰਥੀਆਂ ਲਈ ਪਰੇਸ਼ਾਨੀ ਦਾ ਕਾਰਣ ਬਣ ਸਕਦੀ ਹੈ।
ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਵੈਨਕੂਵਰ 'ਚ ਟਰੱਸਟੀਆਂ ਨੇ ਜੂਨ ਦੇ ਅਖੀਰ ਵਿੱਚ ਪ੍ਰੋਗਰਾਮ ਨੂੰ ਰੋਕਣ ਦੇ ਮਤੇ ਦੇ ਹੱਕ ਵਿਚ 8-1 ਨਾਲ ਵੋਟ ਪਾਈ ਸੀ।
