19.04C Vancouver 19.04C VancouverAug 10, 2021 9:07 PM -
ਨਿਊ ਯੌਰਕ ਦੇ ਗਵਰਨਰ ਐਂਡ੍ਰਿਊ ਕੂਮੋ ਨੇ ਅਸਤੀਫਾ ਦੇ ਦਿੱਤਾ ਹੈ।
ਜਿਨਸੀ ਛੇੜਛਾੜ ਦੇ ਇਲਜਾਮਾਂ ਵਿਚਾਲੇ ਐਂਡ੍ਰਿਊ ਕੂਮੋ ਨੇ ਅਸਤੀਫਾ ਦੇਣ ਦਾ ਐਲਾਨ ਕੀਤਾ ਹੈ।
3 ਵਾਰ ਦੇ ਡੈਮੋਕਰੈਟਿਕ ਗਵਰਨਰ ਦਾ ਇਹ ਫੈਸਲਾ 2 ਹਫ਼ਤੇ 'ਚ ਲਾਗੂ ਹੋਵੇਗਾ।
ਬੀਤੇ ਕੁਝ ਦਿਨਾਂ 'ਚ ਦਬਾਅ ਬਣ ਰਿਹਾ ਸੀ ਕਿ ਅਸਤੀਫਾ ਨਾ ਦੇਣ ਦੀ ਹਾਲਤ 'ਚ ਲੈਜਿਸਲੇਚਰ 'ਚ ਕੂਮੋ ਦੀ ਇੰਪੀਚਮੈਂਟ ਦੇ ਰਸਤੇ 'ਤੇ ਤੁਰਿਆ ਜਾਵੇ।
ਇਹ ਫੈਸਲਾ ਉਸ ਵੇਲੇ ਲਿਆ ਗਿਆ ਹੈ ਜਦ ਨਿਊ ਯੌਰਕ ਦੀ ਅਟੌਰਨੀ ਜਨਰਲ ਨੇ ਜਿਨਸੀ ਛੇੜਛਾੜ ਦੇ ਮਾਮਲੇ 'ਚ ਜਾਂਚ ਦੇ ਵੇਰਵੇ ਜਨਤਕ ਕੀਤੇ ਸਨ।
ਇਸ 'ਚ ਦੱਸਿਆ ਗਿਆ ਸੀ ਕਿ ਕੂਮੋ ਨੇ ਘਟੋ-ਘੱਟ 11 ਔਰਤਾਂ ਨਾਲ ਜਿਨਸੀ ਛੇੜਛਾੜ ਕੀਤੀ ਸੀ।
ਜਾਂਚ 'ਚ ਸਾਹਮਣੇ ਆਇਆ ਸੀ ਕਿ ਕੂਮੋ ਨੇ ਬਿਨਾ ਇਜਾਜਤ ਕਿਸ ਕੀਤੇ ਸਨ ਅਤੇ ਗਲਤ ਤਰੀਕੇ ਨਾਲ ਛੂਹਿਆ ਸੀ ਜਾਂ ਗਰੋਪ ਕੀਤਾ ਸੀ।
ਇੱਕ ਪ੍ਰੈਸ ਬ੍ਰੀਫਿੰਗ 'ਚ ਕੂਮੋ ਨੇ ਕਿਹਾ ਕਿ ਉਨ੍ਹਾਂ ਲਈ ਮਦਦ ਕਰਨ ਦਾ ਸਭ ਤੋਂ ਬਿਹਤਰ ਤਰੀਕਾ ਹੈ ਕਿ ਹੁਣ ਅਹੁਦੇ ਤੋਂ ਹਟਿਆ ਜਾਵੇ ਅਤੇ ਸਰਕਾਰ ਨੂੰ ਸਰਕਾਰ ਦਾ ਕੰਮ ਕਰਨ ਦਿੱਤਾ ਜਾਵੇ।
ਉਨ੍ਹਾਂ ਦੀ ਥਾਂ ਕੈਥੀ ਹੋਸ਼ੁਲ ਲਵੇਗੀ।
