15.52C Vancouver 15.52C VancouverApr 5, 2020 8:24 PM -
ਨਿਊਫਾਊਂਡਲੈਂਡ ਅਤੇ ਲੈਬਰੇਡੌਰ ਦੇ ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਕੈਨੇਡਾ ਨੂੰ ਮੈਡੀਕਲ ਸਪਲਾਈ ਰੋਕਣ ਦੇ ਬਿਆਨ 'ਤੇ ਓਹ ਬੇਹਦ ਨਿਰਾਸ਼ ਹਨ।
ਅੱਜ ਇੱਕ ਨਿਊਜ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ, ਡਵਾਈਤ ਬਾਲ ਨੇ ਕਿਹਾ ਕਿ ਉਨ੍ਹਾਂ ਦੇ ਸੂਬੇ ਨੇ ਅੰਤਰਰਾਸ਼ਟਰੀ ਪੱਧਰ 'ਤੇ ਨਾਮ ਖੱਟਿਆ ਸੀ, ਜਦ ਅਮਰੀਕਾ ਦੇ 9/11 ਹਮਲਿਆਂ ਤੋਂ ਬਾਅਦ ਸੂਬੇ ਦੇ ਨਾਗਰਿਕਾਂ ਨੇ ਵਧ ਚੜ੍ਹਕੇ, ਅੜਿੱਕਿਆਂ ਦਾ ਸਾਹਮਣਾ ਕਰ ਰਹੀਆਂ ਏਅਰਲਾਈਨ ਸਵਾਰੀਆਂ ਦੀ ਮਦਦ ਕੀਤੀ ਸੀ।
ਉਨ੍ਹਾਂ ਕਿਹਾ ਕਿ ਜਦ ਅਮਰੀਕਾ ਸੰਕਟ ਦਾ ਸਾਹਮਣਾ ਕਰ ਰਿਹਾ ਸੀ, ਤਾਂ ਨਿਊਫਾਊਂਡਲੈਂਡਰਸ ਅਤੇ ਲੈਬਰੇਡੌਰੀਅਨਸ ਨੇ ਤੁਰੰਤ ਹੱਥ ਵਧਾਇਆ ਸੀ ਤੇ ਓਹ ਸਭ ਕੀਤਾ ਜੋ ਕੀਤਾ ਜਾ ਸਕਦਾ ਸੀ।
ਪ੍ਰੀਮਿਅਰ ਨੇ ਕਿਹਾ ਕਿ ਚਾਹੇ ਮੌਜੂਦਾ ਸਮੇਂ ਓਹ ਬੇਹਦ 'ਗੁੱਸਾ' ਮਹਿਸੂਸ ਕਰ ਰਹੇ ਹਨ ਪਰ ਸੂਬੇ ਦੇ ਲੋਕ ਅੱਜ ਵੀ ਓਹ ਸਭ ਕਰਨ ਤੋਂ ਪਿੱਛੇ ਨਹੀਂ ਹਟਣਗੇ, ਜੋ ਕਿ ਉਨ੍ਹਾਂ 9/11 ਦੌਰਾਨ ਕਰਕੇ ਵਿਖਾਇਆ ਸੀ।
