21.74C Vancouver 21.74C VancouverJun 24, 2025 5:01 PM - The Canadian Press
ਸਰੀ ਦੇ ਇੱਕ 14 ਸਾਲਾ ਲੜਕੇ ਨੂੰ ਉਸ ਦੀਆਂ ਇਤਰਾਜ਼ੋਯਗ ਤਸਵੀਰਾਂ ਆਨਲਾਈਨ ਪੋਸਟ ਕਰਨ ਲਈ ਬਲੈਕਮੇਲ ਕਰਨ ਵਾਲੇ ਨਾਈਜੀਰੀਆ ਦੇ ਸ਼ੱਕੀ ਨੂੰ 76 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।
14 ਸਾਲਾ ਲੜਕੇ ਨੇ ਵਿੱਤੀ ਸੈਕਸਟੋਰੇਸ਼ਨ ਵਿਚ ਫਸਣ ਕਾਰਨ ਫਰਵਰੀ 2023 ਵਿਚ ਖੁਦਕੁਸ਼ੀ ਕਰ ਲਈ ਸੀ। ਨਾਈਜੀਰੀਆ ਦੀ ਵਿੱਤੀ ਕ੍ਰਾਈਮ ਕਮਿਸ਼ਨ ਨੇ ਕਿਹਾ ਕਿ ਮੁਲਜ਼ਮ ਓਲੂਕੇਏ ਅਡੇਦਾਯੋ ਨੂੰ ਪਿਛਲੇ ਹਫ਼ਤੇ ਸਜ਼ਾ ਸੁਣਾਈ ਗਈ।
ਅਡੇਦਾਯੋ ਦੀਆਂ ਸੋਸ਼ਲ ਮੀਡੀਆ ਪੋਸਟਾਂ ਦੇ ਸਬੰਧ ਵਿਚ ਉਸ 'ਤੇ 18 ਚਾਰਜਿਜ਼ ਲਗਾਏ ਗਏ ਸਨ, ਜਿਨ੍ਹਾਂ ਵਿਚ ਚਾਈਲਡ ਪੋਰਨੋਗ੍ਰਾਫੀ ਤੇ ਬਲੈਕਮੇਲਿੰਗ ਦੇ ਦੋਸ਼ ਸ਼ਾਮਲ ਸਨ।
ਕਮਿਸ਼ਨ ਨੇ ਕਿਹਾ ਕਿ ਇਸ ਕੇਸ ਵਿਚ ਗਵਾਹੀ ਦੇਣ ਵਾਲਿਆਂ ਵਿਚ ਆਰ.ਸੀ.ਐਮ.ਪੀ. ਦੇ ਗੰਭੀਰ ਅਪਰਾਧ ਯੂਨਿਟ ਦੇ ਸਾਰਜੈਂਟ ਵੀ ਸ਼ਾਮਲ ਸਨ। ਆਰ.ਸੀ.ਐਮ.ਪੀ. ਮੁਤਾਬਕ, 14 ਸਾਲਾ ਲੜਕੇ ਨੇ ਸੋਚਿਆ ਸੀ ਕਿ ਇੰਸਟਾਗ੍ਰਾਮ ਅਤੇ ਸਨੈਪਚੈਟ 'ਤੇ ਉਸ ਦੀਆਂ ਨਿੱਜੀ ਤਸਵੀਰਾਂ ਮੰਗਣ ਵਾਲੀ ਕੋਈ ਅੱਲ੍ਹੜ ਲੜਕੀ ਹੈ ਪਰ ਇਹ ਅਡੇਦਾਯੋ ਸੀ ਜਿਸ ਨੇ ਉਸ ਨੂੰ ਫਸਾ ਕੇ ਬਲੈਕਮੇਲ ਕੀਤਾ।
