12.62C Vancouver 12.62C VancouverMay 19, 2022 6:15 PM - ANI
ਭਾਰਤੀ ਮੁੱਕੇਬਾਜ਼ ਨਿਖਤ ਜ਼ਰੀਨ ਨੇ ਆਈ. ਬੀ. ਏ. ਵਿਮੈਨ ਵਰਲਡ ਬਾਕਸਿੰਗ ਚੈਂਪੀਅਨਸ਼ਿਪ ਦੇ 12ਵੇਂ ਐਡੀਸ਼ਨ ਵਿਚ 5-0 ਨਾਲ ਸੋਨ ਤਗ਼ਮਾ ਜਿੱਤ ਕੇ ਰਿਕਾਰਡ ਬੁੱਕ ਵਿਚ ਜਗ੍ਹਾ ਬਣਾ ਲਈ ਹੈ।
ਉਮੀਦਾਂ 'ਤੇ ਖਰਾ ਉਤਰਦੇ ਹੋਏ ਨਿਖਤ ਨੇ ਵੀਰਵਾਰ ਨੂੰ 52 ਕਿਲੋਗ੍ਰਾਮ ਦੀ ਕੈਟਾਗਿਰੀ ਵਿਚ ਥਾਈਲੈਂਡ ਦੀ ਜਿਤਪੋਂਗ ਜੁਟਾਮਾਸ ਨੂੰ ਮਾਤ ਦਿੱਤੀ।
ਤੇਲੰਗਾਨਾ ਦੇ ਨਿਜ਼ਾਮਾਬਾਦ ਵਿਚ ਜਨਮੀ ਨਿਖਤ ਜ਼ਰੀਨ ਰਿਕਾਰਡ ਛੇ ਵਾਰ ਦੀ ਚੈਂਪੀਅਨ ਮੈਰੀਕਾਮ (2002, 2005, 2006, 2008, 2010 ਅਤੇ 2018), ਸਰਿਤਾ ਦੇਵੀ (2006), ਜੈਨੀ ਆਰ ਐਲ (2006) ਅਤੇ ਲੇਖਾ ਕੇਸੀ (2006) ਤੋਂ ਬਾਅਦ ਵਰਲਡ ਬਾਕਸਿੰਗ ਵਿਚ ਸੋਨ ਤਗ਼ਮਾ ਜਿੱਤਣ ਵਾਲੀ 5ਵੀਂ ਭਾਰਤੀ ਮਹਿਲਾ ਬਣ ਗਈ ਹੈ।
2018 ਵਿਚ ਮੈਰੀਕਾਮ ਦੇ ਜਿੱਤਣ ਤੋਂ ਬਾਅਦ ਇਹ ਭਾਰਤ ਦਾ ਚਾਰ ਸਾਲਾਂ ਮਗਰੋਂ ਪਹਿਲਾ ਸੋਨ ਤਮਗਾ ਹੈ।
