9.97C Vancouver 9.97C VancouverNov 16, 2023 6:32 PM - The Canadian Press
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਬੁੱਧਵਾਰ ਨੂੰ ਕਿਹਾ ਕਿ ਕੁੱਲ 367 ਕੈਨੇਡੀਅਨ ਨਾਗਰਿਕ, ਪਰਮਾਨੈਂਟ ਰੈਜ਼ੀਡੈਂਸ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਰਫਾਹ ਬਾਰਡਰ ਕਰਾਸਿੰਗ ਤੋਂ ਮਿਸਰ ਵਿੱਚ ਜਾ ਚੁੱਕੇ ਹਨ।
ਇਨ੍ਹਾਂ ਲੋਕਾਂ ਵਿੱਚ 9 ਲੋਕ ਅਜਿਹੇ ਸ਼ਾਮਲ ਹਨ ਜੋ ਕੈਨੇਡੀਅਨ ਸਰਕਾਰ ਦੀ ਮਦਦ ਤੋਂ ਬਿਨਾਂ ਚਲੇ ਗਏ ਹਨ ।
2 ਹੋਰ ਲੋਕ ਬੁੱਧਵਾਰ ਨੂੰ ਰਫ਼ਾਹ ਬਾਰਡਰ ਕ੍ਰਾਸਿੰਗ ਰਾਹੀਂ ਮਿਸਰ ਪਹੁੰਚਣ ਵਿੱਚ ਸਫਲ ਹੋਏ ਅਤੇ 10 ਜਣੇ ਸੋਮਵਾਰ ਨੂੰ ਰਵਾਨਾ ਹੋਏ ਸਨ।
ਵਿਦੇਸ਼ੀ ਨਾਗਰਿਕਾਂ ਦੀ ਇੱਕ ਅਪਡੇਟ ਕੀਤੀ ਸੂਚੀ ਵਿੱਚ ਜਿਨ੍ਹਾਂ ਨੂੰ ਅੱਜ ਗਾਜ਼ਾ ਪੱਟੀ ਛੱਡਣ ਦੀ ਇਜਾਜ਼ਤ ਦਿੱਤੀ ਜਾ ਰਹੀ ਹੈ ਉਸ ਸੂਚੀ ਵਿੱਚ ਕਿਸੇ ਵੀ ਕੈਨੇਡੀਅਨ ਦਾ ਜ਼ਿਕਰ ਨਹੀਂ ਹੈ।
ਕਰਾਸਿੰਗਜ਼ ਅਤੇ ਬਾਰਡਰਜ਼ ਲਈ ਜਨਰਲ ਅਥਾਰਟੀ ਨੇ ਅੱਜ ਸਵੇਰੇ ਆਪਣੇ ਫੇਸਬੁੱਕ ਪੇਜ 'ਤੇ ਤਾਜ਼ਾ ਦਸਤਾਵੇਜ਼ ਪੋਸਟ ਕੀਤੇ ਹਨ।
ਕੈਨੇਡੀਅਨ ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਇਹ ਨਿਰਧਾਰਤ ਨਹੀਂ ਕਰ ਸਕਦੀ ਹੈ ਕਿ ਹਰ ਦਿਨ ਕਦੋਂ ਜਾਂ ਕਿੰਨੇ ਲੋਕ ਬਾਰਡਰ ਪਾਰ ਕਰ ਸਕਦੇ ਹਨ।
ਗਲੋਬਲ ਅਫੇਅਰਜ਼ ਕੈਨੇਡਾ ਅਨੁਸਾਰ ਅਜੇ ਵੀ 400 ਦੇ ਕਰੀਬ ਕੈਨੇਡੀਅਨ ਗਾਜ਼ਾ ਵਿੱਚ ਮੌਜੂਦ ਹਨ ਅਤੇ ਉਨ੍ਹਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਦੱਸ ਦਈਏ ਕਿ ਇਜ਼ਰਾਇਲ ਤੇ ਹਮਾਸ ਵਿਚਾਲੇ ਛਿੜੀ ਜੰਗ ਨੂੰ 6 ਹਫਤੇ ਹੋ ਗਏ ਹਨ। ਜਿਸ ਦੌਰਾਨ ਕਈ ਲੋਕਾਂ ਦੀ ਜਾਨ ਵੀ ਚਲੀ ਗਈ ਹੈ।
