ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਬੰਬ ਦੀ ਧਮਕੀ, ਪੁਲਿਸ ਨੂੰ ਨਹੀਂ ਕੋਈ ਮਿਲਿਆ ਸਬੂਤ

ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਬੀਤੇ ਕੱਲ੍ਹ ਮਿਲੀ ਬੰਬ ਸੰਬੰਧੀ ਜਾਣਕਾਰੀ 'ਤੇ ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਆਖਿਆ ਹੈ ਕਿ ਜਾਣਕਾਰੀ ਗਲਤ ਸੀ। ਇਸ ਸੰਬੰਧੀ ਜਾਣਕਾਰੀ ਇੱਕ ਲੋਕਲ ਨਿਊਜ ਏਜੰਸੀ ਅਤੇ ਹਵਾਈ ਅੱਡੇ ਦੇ ਸਟਾਫ਼ ਕੋਲ ਪਹੁੰਚਾਈ ਗਈ ਸੀ। ਪੁਲਿਸ ਨੇ ਆਖਿਆ ਕਿ ਜਾਣਕਾਰੀ ਮਿਲਣ ਤੋਂ ਬਾਅਦ ਇਸ ਨੂੰ ਗੰਭੀਰਤਾ ਨਾਲ ਲਿਆ ਗਿਆ ਸੀ, ਪਰ ਜਾਂਚ ਵਿੱਚ ਕਿਸੇ ਵਿਸਫੋਟਕ ਸਮਗਰੀ ਦੇ ਕੋਈ ਸਬੂਤ ਨਹੀਂ ਮਿਲੇ।

ਪੁਲਿਸ ਅਨੁਸਾਰ ਜਾਂਚ ਕਾਰਨ ਇੱਕ ਫਲਾਈਟ ਨੂੰ ਡਿਲੇ ਕਰਨਾ ਪਿਆ ਸੀ। ਹਾਲਾਂਕਿ ਪੁਲਿਸ ਨੇ ਸਪੱਸ਼ਟ ਕੀਤਾ ਕਿ ਇਸੇ ਦੌਰਾਨ ਹਵਾਈ ਅੱਡੇ ਦੇ ਆਪ੍ਰੇਸ਼ਨਸ 'ਤੇ ਬਹੁਤਾ ਪ੍ਰਭਾਵ ਨਹੀਂ ਪਿਆ। ਪੁਲਿਸ ਅਨੁਸਾਰ ਇਹ ਜਾਣਕਾਰੀ ਇੱਕ 'ਸਵਾਟਿੰਗ ਕਾਲ' ਦਾ ਹਿੱਸਾ ਹੈ ਜਿਸ ਦੌਰਾਨ ਪੁਲਿਸ ਰਿਸਪਾਂਸ ਲਈ ਗਲਤ ਧਮਕੀ ਦਿੱਤੀ ਜਾਂਦੀ ਹੈ।